Eins og greint hefur verið frá í fjölmiðlum mun Katrín Jakobsdóttir, fyrrverandi forsætisráðherra og forsetaframbjóðandi, halda ræðu á Austurvelli í dag á fundi Áfram Ísland en hreyfingin hefur það að markmiði að halda Íslandi út úr ESB.

Sagt er að það hafi skapast mikil átök innan Nei-hreyfingarinnar þegar rædd var sú hugmynd að fá Katrínu til að tala á fundinum.

Stuðningsmenn Katrínar bentu á að auðvitað ætti að fá fyrrverandi forsætisráðherra og einn vinsælasta stjórnmálamanna 21. aldar á Íslandi til liðs við sig.

Andstæðingar hennar innan hópsins bentu hins vegar á að þó að Katrín sé vissulega einn af vinsælustu stjórnmálamönnum 21. aldar í sögulegu samhengi þá eigi það engan veginn við í dag. Hafi hún rækilega tapað forsetakosningum fyrir Höllu Tómasdóttur, sem hafði þá verið þekktust á Íslandi fyrir að tapa forsetakosningum fyrir Guðna Th. Jóhannessyni ...