Mikið var fjallað um landsfund Sjálfstæðisflokksins í öllum fjölmiðlum en hann var haldinn var í Laugardalshöll 28. febrúar til 2. mars.
Á fundinum var Guðrún Hafsteinsdóttir kjörin formaður flokksins eftir baráttu við Áslaugu Örnu Sigurbjörnsdóttur og Snorra Ásmundsson. Þá var Jens Garðar Helgason kjörinn varaformaður en hann sigraði Diljá Mist Einarsdóttur í kosningu þeirra á milli um embættið.
Mannlíf fjallaði um ástandið sem skapaðist fyrir utan höllina á meðan landsfundinum stóð yfir en tugum bíla var lagt ólöglega alla daga sem hann var haldinn. Mannlíf hafði samband við lögregluna á höfuðborgarsvæðinu til að fá upplýsingar um hversu margir fengu sekt við og í grennd við Laugardalshöll þá daga sem landsfundur stóð yfir en þegar ljósmyndari mætti á svæðið var lögreglan við sektarstörf.
Samkvæmt upplýsingum frá Árna Friðleifssyni, aðstoðaryfirlögregluþjóni umferðardeildar hjá lögreglunni, voru 69 sektir settar á bíla á svæðinu 28. febrúar til 2. mars.
