Jóhann Páll Jóhannsson, umhverfis-, orku- og loftslagsráðherra, hefur úthlutað 29.854.000 krónum í styrki til verkefna sem snúa að hreinsun á strandlengju Íslands. Alls hljóta 18 verkefni styrk að þessu sinni á grundvelli tillögu Umhverfis- og orkustofnunar, en 24 umsóknir bárust í ferlinu.

Styrkirnir styðja við aðgerðaráætlunina Úr viðjum plastsins, en verkefnið hefur verið framlengt til ársins 2028.

Jóhann Páll Jóhannsson ráðherra leggur áherslu á mikilvægi þess að mæta plastmengun af alvöru og tryggja áframhaldandi kraft í hreinsunaraðgerðir. Meginmarkmið er skipuleg hreinsun strandlengjunnar og efling vitundarvakningar.

Ráðherra fagnar þátttöku almennings og sjálfboðaliða og bendir á að stuðningurinn eigi að auðvelda þeim störfin.