Valtýr Björn Valtýsson, einn dáðasti íþróttafréttamaður í sögu landsins, hefur stofnað fyrirtækið Willa Sweden ehf en greint er frá þessu í Lögbirtingablaðinu.

Hann er þó ekki einn á ferð en aðrir stofnendur eru Hansa Merchant Iceland ehf og Alexander Inder Pal Singh en Alexander er búsettur í Svíþjóð.

Tilgangur félagsins er fjárfestingar og þróun í fasteignaverkefnum. Hönnun, bygging og sala á húsum. Innflutningur á byggingarefni og byggingareiningum.

Alexander Inder Pal Singh er framkvæmdastjóri félagsins en Valtýr Björn fer með prókúruumboð og er situr í stjórn þess. Þórey Anna Kort Matthíasdóttir er í varastjórn.

Valtýr hefur undanfarin ár stýrt hlaðvarpinu Mín Skoðun.