Eigendur Gömlu laugarinnar, sem nefnist Secret Lagoon á ensku, að Flúðum eru eflaust í skýjunum þessa daganna en fyrirtækið sem rekur baðlónið hagnaðist um 322 milljónir króna í fyrra.

Fyrirtækið hagnaðist um 259 milljónir króna árið 2023 og því ljóst að nokkur aukning hefur verið á hagnaðinum. Samkvæmt frétt Viðskiptablaðsins starfa þar 24 einstaklingar í 14 stöðugildum.

Stjórn félagsins lagði til að greiddur yrði 330 milljón króna arður í ár en eigið fé var um 324 milljónir króna og eru eignir félagsins metnar á rúman milljarð.

Gamla laugin er í eigu hjónanna Björns Kjartanssonar og Agnieszku Szwaja en þau endurbyggðu lónið árið 2014.