Ofsaakstur ökumanns leiddi til banaslyss er varð á Eyjafjarðarbraut eystri, norðan við Laugaland í Eyjafirði í apríl í fyrra.
Kemur fram að fjórum sekúndum fyrir slysið var bílnum, sem var af gerðinni BMW, ekið á 201 kílómetra hraða samkvæmt gögnum úr árekstrareftirlitskerfi bílsins. Hámarkshraði á slysstað er 90 kílómetrar.
Var höggið svo rosalegt er bíllinn skall á grjóti utan vegar að hann tókst hreinlega á loft og splundraðist, og dreifðist brakið um stórt svæði. Vélin kastaðist úr bílnum. Lenti 54 metrum frá árekstrarstaðnum.
Þetta kemur fram í skýrslu Rannsóknarnefndar samgönguslysa.
Ökumaðurinn var 29 ára karlmaður og 23 ára kona var farþegi í bílnum. Þau létust bæði í slysinu.
Í skýrslunni er sagt frá því að bílnum var ekið á 201 kílómetra hraða þegar slysið varð.
Ökumaðurinn missti alla stjórn á bílnum í aflíðandi beygju norðaustan við Syðri Tjarnir. Fór bíllinn við það út af veginum austan megin. Bíllinn snerist, lenti með vinstra framhornið á stórgrýti og við höggið splundraðist bíllinn og tókst á loft.
Samkvæmt skýrslunni dreifðist brak úr bílnum um stórt svæði og vélin rifnaði úr bílnum við þennan rosalega árekstur. lenti vélin um 54 metrum norðvestur frá árekstrarstaðnum.
Ökumaður og farþegi voru í beltum.
Niðurstaða úr áfengis- og lyfjarannsókn ökumanns var neikvæð og akstursskilyrði voru góð er slysið varð. Vegurinn var þurr og veðrið var gott veður, sólskin og 14 gráðu hiti.
Kemur það fram í niðurstöðum skýrslu rannsóknarnefndarinnar að ofsaakstur hafi verið meginorsök slyssins.
