Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Innlent

Áttundi bekkur í ensku­tíma varð vitni að kyn­lífi starfs­manna

Sport

Hver er Theodór Elmar?

Pólitík

Hæddist að Snorra og Mið­flokknum í pontu

Innlent

Starfs­menn sagðir hafa stundað kyn­líf í skól­anum

Fólk

Stefán og Egill furða sig á kossa­hneyksl­inu í Haga­skóla

Innlent

Skóla­stjóri áréttar alvar­leika máls­ins eftir að myndir bár­ust

Innlent

Lög­reglan á Vest­ur­landi lýsir eftir 14 ára dreng

Heimur

Khloe Kar­dashian er demikyn­hneigð

Pólitík

Sagði frá kær­leik­anum sem hún finnur á Alþingi

Fólk

„Í dag eru tíu ár síðan ég varð fyrir nauðgun“

Vilhjálmur prins vill ekkert hafa með Harrý bróður sinn að gera

„Örin hverfa aldrei alveg.“

Harrý prins
Harrý prins Ber er hver að baki nema sé bróður eigi Mynd: AFP

Vil­hjálmur Breta­prins hefur engan áhuga á að bæta sam­band sitt við Harrý prins, þrátt fyrir að sá síð­ar­nefndi hafi lýst yfir vilja til sátta. Heim­ild­ar­menn nærri rík­is­arfa Bret­lands segja að hann ein­beiti sér að opin­berum skyldum sínum og sjái enga mögu­leika á að end­ur­reisa sam­bandið við bróður sinn.

Harrý prins gaf í skyn í vik­unni að „sumir vilji ekki“ að hann sætt­ist við fjöl­skyldu sína og end­ur­heimti þau nánu tengsl sem áður voru á milli þeirra.

Harrý og eig­in­kona hans, Meghan her­toga­ynja af Sussex, hættu störfum sem starf­andi með­limir bresku kon­ungs­fjöl­skyld­unnar í mars 2020. Í kjöl­farið gerðu þau ýmsa ábata­sama samn­inga í við­skipta­líf­inu, meðal ann­ars við Netflix, og Harrý gaf út umdeildar end­ur­minn­ingar sínar.

Hjónin fluttu aftur til Bret­lands í ágúst frá heim­ili sínu í Kali­forníu. Harrý sagði að fjöl­skyldan hefði snúið aftur vegna þeirra tæki­færa sem Bretland byði upp á, meðal ann­ars hvað varðar menntun barna þeirra.

Samband þeirra við Karl kon­ung hefur þó verið stop­ult og þau hafa ekki rætt við Vilhjálm og Katrínu prinsessu af Wales í mörg ár.

Vilhjálmur hefur engan áhuga á sáttum

Heim­ild­ar­maður sem stendur Vil­hjálmi nærri sagði að krón­prins­inn sæi enga leið til að bæta sam­bandið við Harrý.

„Það er ein­fald­lega engin fram­tíð­ar­sýn hjá Vil­hjálmi prins eins og staðan er núna þar sem hann getur ímyndað sér að sam­bandið við bróður sinn verði lagað. Hann er enn djúpt særður vegna alls þess sem her­tog­inn af Sussex hefur sagt opin­ber­lega um hann og aðra fjöl­skyldu­með­limi,“ sagði heim­ild­ar­mað­ur­inn.

Hann benti jafn­framt á að kon­ungs­fjöl­skyldan hefði í mörg horn að líta þessa dag­ana, meðal ann­ars vegna mik­il­vægrar opin­berrar rík­is­heim­sóknar, minn­ing­ar­at­hafnar um hörm­ung­arnar í Aberfan fyrir 60 árum og und­ir­bún­ings fyrir stórar kon­ungs­heim­sóknir á næst­unni.

„Hann hefur engan áhuga á að eiga sam­skipti við Harrý.“

Heim­ild­ar­mað­ur­inn bætti við að Vil­hjálmur, Katrín, Karl kon­ungur og Kamilla drottn­ing ein­beittu sér að þessum verk­efnum.

„Það er þetta sem skiptir Vilhjálm og Katrínu, kon­ung­inn og drottn­ing­una máli, og það felur svo sann­ar­lega ekki í sér að bregð­ast við í hvert sinn sem her­tog­inn af Sussex birt­ist í enn einu við­tal­inu.“

Harrý tal­aði um að hann hefði áhuga á sáttum í mynd­bands­við­tali við tíma­ritið GQ. Viðtalið var tekið upp í lok sept­em­ber en birt­ist í gær, sama dag og hátt­settir með­limir kon­ungs­fjöl­skyld­unnar tóku á móti sold­án­inum í Óman í opin­berri rík­is­heim­sókn í Windsor-kast­ala.

Prinsinn sagði við­horf sitt hafa breyst og að hann væri nú „bjart­sýnn“ á end­ur­komu fjöl­skyld­unnar til Bret­lands.

Þegar hann var spurður hvort hann syrgði flókið sam­band sitt við föður sinn og bróður svar­aði hann ját­andi.

„Já, auð­vitað,“ sagði Harrý og bætti við að flókin fjöl­skyldu­tengsl væru eitt­hvað sem margir gætu sam­samað sig við.

„Sumir vilja ekki að þetta gangi upp. Ég vil að þetta gangi upp. Auðvitað vil ég það. Með öllu því sem er að ger­ast í heim­inum eru sáttir það mik­il­væg­asta, það er kjarni máls­ins,“ sagði hann.

Konungsfjölskyldan enn á varðbergi

Heim­ild­ar­menn innan kon­ungs­hirð­ar­innar segja að þrátt fyrir að Harrý og Meghan búi nú aftur í Bret­landi sé kon­ungs­fjöl­skyldan afar var­kár í sam­skiptum við þau. Ástæðan sé meðal ann­ars deil­urnar und­an­farin ár, þar á meðal við­tal hjón­anna við banda­ríska sjón­varps­kon­una Oprah Winfrey og heim­ild­ar­þátta­röð á Netflix þar sem þau lýstu óánægju sinni með fram­komu kon­ungs­stofn­un­ar­innar í sinn garð.

Harrý var einnig spurður hvort hann teldi mögu­legt að bæta sam­band sitt við kon­ung­inn og Vilhjálm.

„Auðvitað. Örin hverfa aldrei alveg. En það skiptir máli hvernig maður lítur á það sem gerst hefur og hvaða hug­ar­far maður hefur gagn­vart því. Ég myndi svo sann­ar­lega hvetja alla til að sleppa tak­inu á for­tíð­inni,“ svar­aði hann.

Heim­ild­ar­mað­ur­inn sagði að prins­inn hefði fengið skýr skila­boð um að hætta að tjá sig opin­ber­lega um mál sem væru mjög per­sónu­leg.

„Eins og staðan er núna hefur hann (Vil­hjálmur) engan áhuga á að eiga sam­skipti við Harrý,“ sagði heim­ild­ar­mað­ur­inn.

Tals­maður hjón­anna sagði að það hefði verið ákvörðun GQ að birta við­talið í gær. Ummæli Harrýs hefðu „alls ekki verið ætluð sem árás á bróður hans eða nokkurn annan fjöl­skyldu­með­lim“. Þau hefðu verið sett fram í almennu sam­hengi og á engan hátt beinst að fjöl­skyldu hans.

Kens­ington-höll vildi ekki tjá sig um málið við Daily Mirror.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Fjársterkir tölvuþrjótar taldir hafa ráðist á 1984
Innlent

Dæmdur í níu ára fang­elsi fyrir kóka­ínsmygl með Norrænu

Heimur

Nýtt lyf í töflu­formi vekur vonir í bar­átt­unni við briskrabba­mein

Innlent

Talninga-Tómas verður Dómara-Tómas

Fólk

Sáttasex leysir ekki ágrein­ing­inn

Heimur

Breskir grínistar héldu leyni­lega lista yfir kyn­ferð­is­leg rán­dýr

Blaðamaðurinn Julia Raeside segir þekkta menn starfa áfram í skemmtanabransanum þrátt fyrir ásakanir um kynferðisbrot.

Setti bráð­skemmti­legt heims­met

Dauði og eyði­legg­ing eykst á Gaza þrátt fyrir vopna­hlé

Dán­ar­or­sök Sir Patricks Stewart stað­fest

Pólland rann­sakar óþekktan hlut sem féll úr lofti

Tvö alvar­leg umferð­ar­slys á sama veg­ar­kafla á Tenerife