Ísraelski herinn skaut á hóp af fólki sem beið eftir mannúðaraðstoð við hringtorg í Gaza-borg í gær. Að minnsta kosti 20 létust í árásinni og 150 særðust.
Heilbrigðisráðuneyti Gaza segir að Ísraelar hafi skotið á hóp fólks sem beið eftir lífsnauðsynjum við hringtorg í Gaza-borg í gær en í árásinni hafi að minnsta kosti 20 látist og 150 særst. Segir ráðuneytið að skriðdrekadeild innan Ísraelska hersins hafi skotið sprengjum og byssukúlum á fólkið. Ísraelski herinn segist vera að skoða málið. Hundruðir þúsunda Palestínumanna standa nú frammi fyrir hungursneyð, ofan á allt annað.
„Við vorum bara að sækja okkur hveiti,“ sagði eitt fórnarlambið í örvinglun sinni í viðtali sem tekið var á sjúkrahúsi sem tók á móti fjölda særðra eftir árásina. Faðir drengs sem slasaðist var svo spurður hvers vegna hann hafi ætlað að ná sér í hveiti. „Til að fæða börnin, hvað annað?!“
Myndband frá árásinni í gær má sjá hér. Lesendur eru varaðir við myndefninu.
Tala látinna á Gaza er komin yfir 26.000 en 183 voru drepnir í árásum Ísraelhers síðastliðinn sólarhring. Að minnsta kosti 10.000 börn hafa verið drepin frá 7. október.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir