Ráðist var á Íslending í Kaupmannahöfn árið 1997.
„Ég og félagi minn vorum að spjalla saman á íslensku þegar ókunnur maður vatt sér að okkur og spurði hvort við værum að tala við sig. Við neituðum því á ensku og héldum áfram. Þá hrópaði hann á okkur að hypja okkur burtu en við sögðumst ekki fara neitt og þeir stukku á mig,“ sagði Ólafur Sævarsson í samtali við DV um árásina en Ólafur var að ganga á Strikinu með íslenskum og dönskum félögum sínum.
Ekki liggur fyrir hversu margir árásarmennirnir voru en þegar lögregla mætti á svæðið voru þeir horfnir. Lögreglan var hins vegar ekki lengi að hafa upp á þremur þeirra og var tekin skýrsla af þeim öllum. Ólafur fór illa út úr árásinni.
„Þeir réðust á mig nokkrir og einn þeirra dró upp hníf, skar mig í andlitið við eyrað og þurfti að sauma sex spor,“ sagði Ólafur sem hafði þá búið í Kaupmannahöfn í fimm mánuði. Hann sagði ekki hafa hugmynd hvað mönnunum gekk til og ætlaði að kæra árásina.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir