Átta ára drengur var stunginn á grunnskóla í Melbourne í Ástralíu og var skólasvæðinu lokað vegna atviksins.
Ellefu ára drengur er nú yfirheyrður vegna málsins, sem átti sér stað í Brentwood Park-grunnskólanum í Melbourne, Ástralíu í morgun, áður en skólabjallan hringdi. Bæði Brentwood Park og Kambrya College, nærliggjandi framhaldsskóli við Bemersyde Drive, var lokað um klukkan 9.
Lögreglan í Victoria greindi frá því að bæði fórnarlambið og starfsmaður skólans, sem einnig hlaut minniháttar meiðsli, hafi fengið aðhlynningu á vettvangi og ekki þurft flutning á sjúkrahús.
Talið er að hinn 11 ára drengur, sem er í 6. bekk, hafi ráðist á kennara áður en hann stakk einnig nemanda í 2. bekk og annan í 3. bekk. Tveir aðrir eldhúshnífar voru sagðir hafa fundist í tösku drengsins. Lögregla ræddi við drenginn áður en hann var fluttur á sjúkrahús til mats.
Talsmaður menntayfirvalda sagði að unnið væri með skólanum eftir atvik þar sem ungur nemandi hefði sýnt „hættulega hegðun“.
„Skólinn setti öryggisferla í gang og lögregla og sjúkraflutningamenn komu á vettvang,“ sagði talsmaðurinn. „Við styðjum bæði starfsmanninn og nemandann og veitum aukinn stuðning þeim sem þess þurfa.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir