Þrír menn voru handteknir í Reykjavík í gær og í nótt vegna líkamsárása og eignaspjalla. Allir voru þeir vistaðir í fangaklefa, samkvæmt dagbók lögreglunnar.
Í hverfi 108 var maður handtekinn vegna gruns um líkamsárás og brot á vopnalögum. Annar maður var handtekinn í miðborginni vegna líkamsárásar, en sá þriðji í hverfi 105 vegna eignaspjalla.
Þá var lögregla kölluð til í Kópavogi vegna manns sem var vopnaður hnífi og hamri og reyndi að brjótast inn í íbúð. Maðurinn var handtekinn og færður í fangaklefa.
Óskað var einnig eftir aðstöð lögreglu á matsölustað í hverfi 110, vegna víðáttu ölvaðs aðila sem var til vandræða. Var maðurinn fjarlægður af staðnum.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir