Mannréttinda- og lýðræðisskrifastofa borgarinnar, í samvinnu við samtökin Nordic Safe Cities, hefur hlotið styrk úr norræna LGBTI-sjóðnum hjá NIKK sem er samnorræn samstarfsstofnun sem heyrir undir Norrænu ráðherranefndina. Þetta er í fyrsta sinn sem veittur er styrkur til þessa verkefnis en greint er frá þessu á heimasíðu borgarinnar.
Styrkurinn er upp á rúmar 9,7 milljónir króna og er til tveggja ára.
„Hatur og áreitni í garð hinsegin fólks á netinu getur birst með ýmsum hætti allt frá niðrandi athugasemdum til hótana og neteineltis sem getur valdið fólki vanlíðan, dregið fram skaðlegar staðalímyndir og alið á rangfærslum um hópinn. Með fræðslu má sporna gegn þessari þróun en ljóst er að ganga þarf lengra í átt að því að ná markmiðinu. Reykjavík er fyrst borga á Norðurlöndunum sem fær styrk til að auka öryggi hinsegin fólks,“ segir í tilkynningu um styrkinn.
Styrkurinn verður notaður í að greina hatur og áreitni í garð hinsegin fólks á netinu, útbúa verkfærakistu og aðgerðaáætlun sem stuðlar að auknu öryggi hinsegin fólks og kynna verkefnið og yfirfæra á öll Norðurlöndin.
Niðurstöðu verkefnisins verður miðlað til annarra borga sem geta nýtt sér upplýsingarnar til þess að auka öryggi hinsegin fólks.

Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir