Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Sólveig Anna um tíðablóðið hjá Icelandair: „Þá skoðun hef ég bæði full og edrú“

|
| Mynd: / Hallur Karlsson

Sólveig Anna Jóns­dóttir, for­maður Eflingar, seg­ist hafa gleymt sér og grín­ast aðeins þegar hún fjall­aði um mál­efni Icelandair og hvatti kven­kyns starfs­menn flug­fé­lags­ins til að skrifa undir hjá félag­inu með tíða­blóði sínu. Hún segir fjöl­miðla­menn vera ofur­við­kvæma.

Þetta segir hún í færslu á Facebook. Sólveigu finnst atburð­ar­rásin við björgun félags­ins síð­ustu mán­uði vera við­bjóðs­lega þar sem fram­koma Boga Nils Boga­sonar for­stjóra í garð flug­freyja ber hæst. Hér að neðan má lesa færslu verka­lýðs­for­ingj­ans í heild sinni.

Á föstu­dags­kvöldið sá ég frétt um að búið væri að gera ein­stak­lingum svoköll­uðum „kleift að kaupa hluta­bréf í Icelandair fyrir 100 þús­und kr. kjósi þeir að gera svo“.

Ég grín­aði á Facebook í kjöl­far lest­urs­ins, eins og vinnu­afls-kona sem á ekk­ert að selja nema aðgang­inn að vinnu­afl­inu sínu, sem veit að í sam­fé­lags­sátt­mál­anum stendur að vinnu­aflið hennar sé svo lít­ils virði að hún skuli aldrei láta sig dreyma um að upp­lifa fjár­hags­legt frelsi eða áhyggju­lausan dag. Ég gleymdi mér og grín­aði eins og vinnu­konu-kona sem vann erf­ið­is­vinnu, not­aði lík­amann sinn í allt sem hún gerði, líka þegar hún var á túr, þegar það var svo mikið að gera í vinn­unni að hún komst ekki til að skipta um dömu­bindi og lenti í vand­ræðum sem leyst voru með því að binda bara peys­una um mittið og flissa. Ég grín­aði eins og vinnu­konu-konan sem átti ekki krónu í mán­að­ar­lok og þurfti samt að kaupa dömu­bindi, túrtappa og Íbúfen, konan sem reidd­ist eigin móð­ur­lífi fyrir sjálf­stæðan vilja. Ég grín­aði eins og kona sem hefur lært að ef þú ætlar að þola allt hel­vítis bullið sem arð­ráns­kerfið í sam­vinnu við hin gömlu og góðu gildi feðra­veld­is­ins finnur uppá án afláts, án þess að fara á bömmer sem end­ist þér lífið á enda er best að grína mikið og oft. Ég grín­aði eins og kona sem getur ekki annað þegar hún horf­ist í augu við að rík­is­á­byrgðin er komin til að vera fyrir Boga og eig­endur Íslands en engin ætlar að taka ábyrgð á því að hót­el­þernan sem svitn­aði fyrir hag­vöxt­inn á núna svo lítið að hún þarf að leita til útsend­ara Guðs föður heilags anda á Jörðinni til að fá hjá þeim mat til að borða.

Á laug­ar­dag­inn sá ég svo að bæði DV og Vísir höfðu slegið grín­inu mínu upp sem frétt („Sólveig reið og bitur“) og að ýmsir not­uðu tæki­færið til að viðra þá skoðun að ég væri geð­veik og ógeðs­leg, heimsk og bjáni, full og veru­leikafirrt.

Og þá hugs­aði ég að það væri merki­legt að orðið tíða­blóð væri í alvöru svo stuð­andi að fjólmiðla­menn upp­lifðu notkun á því sem til­efni til frétta­skrifa. Og ég hugs­aði að kannski væri það vegna þess að ég er komin af léttasta skeiði, „það fellur hratt á hana“, og ógeðs­legt þegar konur sem eru ekki lengur ungar tala um túr.

Svo hugs­aði ég að ég hefði auð­vitað getað sagt margt annað en að atvinnu­lausar konur ættu að skrifa undir samn­ing við strák­ana hjá Icelandair með tíða­blóði, svo að þær gætu fengið hærri atvinnu­leys­is­bætur. Ég hefði getað sagt ýmis­legt um allt það rugl sem við­gengst allt í kringum okkur, á föstu­dags­kvöldi hefði verið hægt að finna margt til að gera veru­legar athuga­semdir við, margt annað en þessa birt­ing­ar­mynd
örvæt­ingar auð­valds­ins sem fréttin af Boga og hund­rað­þús­und kall­inum er.

Ég hefði getað byrjað á að segja: Langt er nú seilst ofaní vasa vinnu­aflsins. Ekki nægir að ætla sér að fá líf­eyr­is­sjóð­ina okkar til að halda flagg­skipi íslensks kap­ít­al­isma á sigl­ingu, það á að reyna að lokka fólk til að setja sínu fáu aura beint í braskið. Fyrr má nú aldeilis vera hvað menn eru ófor­skamm­aðir.

Svo hefði ég getað haldið áfram á föstu­dags-kvölds-yfir­ferð um íslenskt sam­fé­lag.

Ég hefði getað sagt: Fjár­mála­ráð­herra rík­is­stjórnar Katrínar Jak­obs­dóttur hefur fengið sér sér­stakan Hag­fræð­inga­hóp til senda skýr skila­boð til eig­enda atvinnu­tækj­anna og fjár­magns­ins um að „the best and the brightest“ séu byrjuð „að skoða enn betur þessa hag­rænu vinkla sem gefa okkur vís­bend­ingar um hvaða kraftar eru að tog­ast á við sótt­varna­að­gerð­irnar“ svo hægt verði að átta sig á hvar skuli hag­ræða og einka­væða, hvar skuli frelsa úr fjötrum arð­bær verk­efni sem ríkið hefur haft á sinni könnu, hvernig hægt verði að stilla kerfið svo hægt sé að takast á við það þegar „declining rates of profit“ banka upp á með offorsi og dólg­slátum líkt og nú ger­ist í ver­öld­inni. Mörgu má kvíða en einna helst nið­ur­stöðum Hag­ræð­ing­ar­hóps­ins hans Bjarna.

Ég hefði getað sagt: Það er þyngra en tárum taki að verða vitni að því að flokkur sem hefur sótt fjölda atkvæða til kvenna sem upp­lifa djúpa og inni­lega löngun í raun­veru­legt jafn­rétti, á ekki til einn tals­mann, ekki einn, sem kemur fram í afdrátt­ar­lausri sam­stöðu með þeim atvinnu­lausu konum sem nú eiga ekki einu sinni nægi­lega margar krónur til að sjá fyrir sér og börnum sínum.

Ég hefði getað sagt: Það er ótrú­legt að verða vitni að því að flokkur sem seg­ist lifa eftir gildum kvenna­bárátt­unnar skuli fara fyrir rík­is­stjórn sem setur lög á Alþingi um rík­is­á­byrgð til fyr­ir­tækis sem hefur gerst upp­víst að einni alvar­leg­ustu aðför að lögum þeim er gilda á Íslandi um sam­skipti kap­ít­alista og vinnu­afls, með ógeðs­legri kúg­unar-árás á kvenna­stétt.

Ég hefði getað sagt: Mikil er skömm þeirra sem bera ábyrgð á þeirri sam­fé­lags­gerð sem leyfir ástand eins og það sem nú ríkir; konan sem kynnti ofn­inn sem knúði vél­ina sem snéri hjól­unum sem skópu hag­vöxt­inn, sú sem aðeins á sitt dýra­mæta vinnu­afl til að lifa af, hefur verið send í betli-ferð, send af stað til að biðja um hjálp, biðja um mat, um 5.000 krónur, skóla­tösku fyrir barnið sitt, á meðan að milljón-krónu menn­irnir fá stimplað plagg frá stjórn­völdum, svo að þeir fái áfram að stýra skip­inu, án stefnu, án átta­vita. Því hvers eiga þeir eig­in­lega að gjalda: „Þetta er víst engum að kenna“.

Ég hefði getað sagt margt, og flest án þess að minn­ast einu orði á tíða­blóð.

En mig lang­aði að grína á föstu­dags­kvöldi og svo ég segi satt frá þá er stað­reyndin sú að mér finnst bók­staf­lega ekk­ert að því að segja að kannski ættu atvinnu­lausar konur að nota tíða­blóðið sitt til að skrifa undir samn­ing við Icelandiar svo að þær fái hærri atvinnu­leys­is­bætur. Allavega ekki í sam­an­burði við þá við­bjóðs­legu atburða­rás sem ég hef fylgst með und­an­farna mán­uði, í sam­skiptum eig­enda Íslands við kven-vinnu­aflið. Og þá skoðun hef ég bæði full og edrú, á túr eða ekki.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Innlent

Lög­reglan kölluð til eftir að hitn­aði í kol­unum við tölvu­leikja­spil

Sjö gist fangageymslur lögreglunnar eftir nóttina.

Innkalla leik­fang úr Tiger vegna köfn­un­ar­hættu

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu

Talninga-Tómas verður Dómara-Tómas