Inga Sæland
„Hrein og klár mannvonska og borgarstjórn til ævarandi skammar“
Inga Sæland
Innlent

Gréta María fer í mál við Samkaup

Innlent

Barna­nauð­gari gjald­þrota

Innlent

Aðskota­efni í kexi

Peningar

Prett­yboitjokkó stofnar fyr­ir­tæki með fyrrum lands­liðs­manni

Heimur

Orðrómur um staf­rænan heimsendi 17. nóv­em­ber vekur ótta

Peningar

Elís seg­ist hafa tapað 100 millj­ónum í við­skiptum við fjár­festa

Pólitík

Segir flokks­menn Guðrúnar und­ir­búa mót­fram­boð gegn henni

Innlent

„Börn eiga ekki að þurfa að bera afleið­ing­arnar“

Innlent

Fékk aldr­aðan mann til að selja rað­hús skömmu fyrir and­lát

Innlent

Kven­fanga synjað um náðun þrátt fyrir alvar­leg veik­indi

Birgitta snýr aftur í Pírata eftir kosningar: „Meira pönk, minni umbúðir“

|
|

Birgitta Jóns­dóttir, sem til­kynnti árið 2018 að hún væri hætt í Pírötum, ætlar sér að snúa aftur í gras­rót­ar­starf flokks­ins eftir kosn­ingar. Árið 2021 gekk hún í Sós­í­alista­flokk­inn en virð­ist nú ætla að snúa aftur „heim“.

Í færslu sem hún skrif­aði í morgun á Facebook segir hún að Píratar þurfi ekki að vera stjór­tækir og útskýrir af hverju flokk­ur­inn varð skyndi­lega vin­sæll rétt eftir að hún stofn­aði hann með öðru góðu fólki:

„Píratar þurfa ekki að vera stjórn­tækir

Eitt mesta böl Pírata voru skyndi­legar og óút­skýr­an­legar vin­sældir flokks­ins þegar hann var splunku­nýr og átti bara þrjá þing­menn á þingi. Flokk­ur­inn var ekki eig­in­legur stjórn­mála­flokkur heldur skil­greindi hann sig sem hreyf­ingu eða hrein­lega partý sem hafði frjóan jarð­veg og hug­mynda­fræði til að búa til öfl­uga gras­rót. Markmið var að þróa hug­mynda­fræði vald­efl­ingar almennra borg­ara sem gæti orðið að raun­veru­legu afli í íslensku sam­fé­lagi. Öllum var heim­ilt að leggja fram hug­myndir í kosn­inga­kerfi okkar – án þess að þurfa að vera skráðir í flokk­inn. Það var tekið til umræðu í til­rauna­lýð­ræði okkar og nokkur mál náðu þannig inn á mála­skrá Alþingis. En í kjöl­far vin­sælda kom hávær krafa um að Píratar þyrftu að vera stjórn­tækir og búa til stefnu í öllum mála­flokkum og að helsta mark­mið okkar ætti að vera að kom­ast í ráð­herra­stóla. Þetta gekk meira að segja svo langt að talað var um að búa til ein­hverja ímynd af mér sem Birgittu blíðu, alger­lega furðu­leg hug­mynd að gera erkipönk­ara að ein­hverri glans­mynd.“

Segir Birgitta einnig að í upp­hafi hafi mark­miðið ekki verið að kom­ast í rík­is­stjórn.

„Þegar Píratar leystu land­festar var mark­miðið ekki að kom­ast í rík­is­stjórn, heldur að finna leiðir til að vinna þvert á flokka óháð því hvaða stöðu við værum í. Að finna glufur í kerf­inu til að gera stórar breyt­ingar og nota skap­andi hugsun til að vinna að lang­tíma­mark­miðum. Það er alrangt að við höfum verið ein­hvers­konar Sam­fylk­ing light. Þing­flokk­ur­inn sam­an­stóð af þremur þing­mönnum, einn var nán­ast libert­arian, annar var sann­ar­lega alinn upp í Samfó en of frjáls­lyndur til að finna sig í þeim ranni. Sá þriðji var ég, sem skil­greini mig sem prag­mat­ískan anar­kista. Gras­rótin inni­hélt alls­konar fólk sem fannst það ekki eiga heima í þeim flokkum sem voru í boði, sér í lagi ungt fólk sem hafði alist upp á net­inu og sá heim­inn á annan hátt en hefð­bundnir flokkar.“

Birgitta gefur einnig góð ráð fyrir þá sem vilja bjóða sig fram til Alþingis:

„Besta ráð sem ég get gefið fólki sem sækir um atvinnu hjá þjóð­inni og fær ráðn­ingu er eft­ir­far­andi: hafðu ávallt í huga að þetta er þitt fyrsta og síð­asta kjör­tíma­bil, þá mun löng­unin til að halda áfram á þingi aldrei hafa áhrif á verk þín, heldur muntu nýta tíma þinn til fulln­ustu, án ótta við að vera ekki þing­tækur eða stjórn­tækur. Í mínum huga er hinn sanna merk­ing þess að vera stjórn­tækur að vera alveg sama hvað fólki í öðrum flokkum finnst um mann, að vera stjórn­tækur er að vera trú­verð­ugur í augum þeirra sem treysta þér til að gæta að hags­munum lands og þjóðar.“

Þá telur þing­konan fyrr­ver­andi upp það sem henni finnst að Píratar eigi að standa fyrir:

„Meira pönk, minni umbúðir. Erindi Pírata var og ætti enn að vera að tryggja mann­rétt­indi í staf­rænum heimi, upp­lýs­inga­frelsi, gagn­sæi, tján­inga­frelsi og aðgengi almenn­ings að ákvarð­ana­töku um hluti sem varða hann með því að gefa fólki verk­færi til að upp­lifa raun­veru­lega vald­efl­ingu.“

Birgitta segir síðan að það hafi verið sér heiður að vinna með Píröt­unum Mumma Tý og
Ölfu Eymars­dóttur sem bjóða sig fram fyrir flokk­inn í Suð­ur­kjör­dæmi:

„Það hefur verið mér sannur heiður að fá tæki­færi til að vinna með mínum fyrrum yfir­manni í Götu­smiðj­unni, erkiP­írat­anum honum Mumma Tý, og henni Ölfu Eymars­dóttur sem hefur unnið það þrek­virki að koma á dag­skrá rétt­inda­bar­áttu smá­báta­sjó­manna ásamt öllu því frá­bæra fólki sem kennir sig við Suð­ur­kjör­dæmi í aðdrag­anda þess­ara kosn­inga. Það verður spenn­andi að vinna aftur í gras­rót flokks­ins eftir kosn­ing­arnar með fólk­inu sem enn brennur fyrir grunn­gildum Pírata og því erindi sem flokk­ur­inn stóð eitt sinn fyrir.“

Að lokum segir Birgitta það jákvætt að sjá Lenyu Rún „geys­ast fram á sviðið“ og óskar nýjum odd­vitum Pírata góðs gengis um næstu helgi.

„Þótt Píratar hafi að ein­hverju leiti orðið að eins­konar diet Sam­fylk­ingu und­an­farin ár þá er mjög jákvætt að sjá nýtt fólk eins og Lenyu geys­ast fram á sviðið. Hún fékk yfir­gnæf­andi stuðn­ing í próf­kjöri Pírata til að taka að sér for­ustu­hlut­verk í flokknum og leiða hann aftur að grunn­gildum þeim sem allt var byggt á og með sanni aðgreindu Pírata frá öðrum flokkum. Um nokkra hríð þótti meira að segja töff að vera Pírati, í því fólst yfir­lýs­ing um að vilja alvöru breyt­ingar og upp­ræta aldagamlar hefða­helgar og inn­gróna spill­ingu. Það er gott mark­mið að stefna að og óska ég nýjum odd­vitum Pírata alls hins besta og góðs gengis um næstu helgi.“

Mannlíf hafði sam­band við Birgittu og spurði hana hreint út, hvort hún sé snúin aftur í sinn gamla flokk. Svaraði Birgitta um hæl:
„Ég yfir­gaf aldrei Pírata. Sum þeirra yfir­gáfu mig en ég mun byrja af fullum krafti í gras­rót­ar­starfi eftir kosn­ingar.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Fólk

„Mér líður gjör­sam­lega djöf­ul­lega“

Hildur Lilliendahl Viggósdóttir segir frá sorg og kvíða eftir að henni var sagt upp hjá Reykjavíkurborg eftir átján ára starf.
Heimur

Telja sig hafa náð for­sögu­legri flug­eðlu á mynd­band í Mexíkó

Innlent

Valur telur sigur Úkraínu sífellt lík­legri

Innlent

Sautján ára piltur sak­felldur fyrir kyn­ferð­is­brot gegn tólf ára stúlku

Heimur

Loch Ness-skrímslið sést oftar í ár en í fyrra

Innlent

Innlent

Katrín varar við alvar­legri ógn gervi­greindar

„En hvað með almenna borgara - finnst þeim skipta máli hver eða hvað er á bak við verkin?“
Innlent

Leik­fanga­byssu­menn­irnir verða ákærðir

Innlent

Álft skotin á Víði­staða­túni

Innlent

Ferðin til Írlands tók óvænta stefnu á Kefla­vík­ur­flug­velli

Innlent

Grind­verk í Garðabæ varð fyrir barð­inu á óboðnum gesti

Innlent

Átti að mæta á lög­reglu­stöð áður en dag­ur­inn var lið­inn