Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Vísar fullyrðingum Ragnars Þórs á bug

Jó­hann­es Stef­áns­son, fram­kvæmda­stjóri Lind­ar­vatns ehf., segir full­yrð­ingar Ragnars Þórs Ing­ólfs­sonar, for­manns VR, um blekk­ingar og vand­ræði á Lands­símareitnum úr lausu lofti gripnar.

„Mér er þó bæði ljúft og skylt að segja frá því að full­yrð­ingar Ragnars stand­ast ekki skoðun. Stað­reyndin er sú að fram­kvæmdir á Lands­símareit eru í fullum gangi. Það starfa um 200 manns við verk­efnið og hafa gert und­an­farin miss­eri, sem er mjög jákvætt í þeim þreng­ingum sem standa nú yfir,“ segir Jó­hann­es Stef­áns­son, fram­kvæmda­stjóri Lind­ar­vatns, á Facebook og vísar þar í færslu sem Ragnar Þór birti á sam­fé­lags­miðl­inum í gær.

Í sinni færslu fjall­aði Ragnar Þór um meint „brask og brall“ stjórn­enda Icelandair og Samtaka atvinnu­lífs­ins, eins og hann orðar það. „Vin­sam­lega deildu ef þú telur að atvinnu­rek­endur eigi að víkja úr stjórnum líf­eyr­is­sjóð­anna og vilt vita hvernig 700 millj­ónum er skotið undan í braski og bralli stjórn­enda Icelandair og SA,“ skrif­aði Ragnar Þór á Facebook.

„Það væri ágætis byrjun að skoða braskið og brallið í kringum Lind­ar­vatn ehf. (Hót­el­bygg­ingu á Land­símareit) sem útskýrir af hverju SA bregð­ist svo harka­lega við gegn því að verka­lýðs­hreyf­ingin sé að vakna af værum blundi innan stjórnar líf­eyr­is­sjóðs­ins? Þetta er eitt dæmi af fjöl­mörgum um tengsl SA við líf­eyr­is­sjóð­ina og fjár­fest­ingar þeirra.“

„Til allrar ham­ingju eru full­yrð­ingar Ragnars Þórs um blekk­ingar og vand­ræði á Lands­símareitnum úr lausu lofti gripnar.“

Í fram­hald­inu fer Ragnar Þór yfir tengsl Samtaka atvinnu­lífs­ins, SA, við líf­eyr­is­sjóð­ina, sem eiga Icelandair að stórum hluta, og fjár­fest­ingar þeirra með því að benda á hvaða starfs­menn hjá SA störf­uðu áður hjá Icelandair. Bendir hann þannig á að fyrrum for­stjóri Icelandair Björgólfur Jóhanns­son hafi einnig verið einnig for­maður SA. „Hjá Icelandair störf­uðu einnig Halldór Benjamín Þor­bergs­son og Davíð Þor­láks­son sem einnig stýrðu Lind­ar­vatni ehf. (félagi sem reisir lúx­us­hótel á Land­símareitnum). Fyrrum stjórn­ar­for­maður Lind­ar­vatns var fjár­mála­stjóri Icelandair group, Bogi Nils Bogason núver­andi for­stjóri Icelandair group,“ skrifar Ragnar Þór.

Fjallar Ragnar Þór enn­fremur um for­sög­una að kaup­unum á Land­símareitnum og segir að lík­lega hafi Icelandair tapað háum upp­hæðum vegna fjár­fest­inga í verk­efn­inu. „Allar líkur eru á að Icelandair hafi nú þegar tapað 1,87 millj­arði króna á fjár­fest­ing­unni þar sem fram­kvæmda­kostn­aður virð­ist langt umfram virði og leigu­samn­ingur stendur undir. Líf­eyr­is­sjóð­irnir voru fengnir til að setja 4 millj­arða í verk­efnið í formi skulda­bréfa­kaupa en sjóð­irnir hafa reyndar lýst því yfir að ekki verði settir meiri pen­ingar í verk­efnið,“ segir hann.

Jóhannes segir að hingað til hafi hann ekki séð til­efni til að svara mál­flutn­ingi Ragnars vegna þess hve fjar­stæðu­kenndur hann er, en eftir þessi ummæli hans geti hann ekki stillt sig um það.

„Ragnar Þór Ing­ólfs­son hefur und­an­farna mán­uði farið með him­in­skautum um verk­fram­kvæmdir á Lands­símareitnum. Hann heldur því fram að stjórn­endur Lind­ar­vatns, ráð­gjafar og starfs­menn hafi tekið sig saman um að blekkja fé út úr líf­eyr­is­sjóðum sem hafa lánað fé til verks­ins. Fyrir ekki svo löngu síðan hélt Ragnar því fram að allar fram­kvæmdir væru stopp og aldrei stæði til að byggja á reitnum,“ segir Jóhannes og bendir á að það sé hins vegar öllum ljóst sem hafi átt leið hjá reitnum und­an­farið að þar séu fram­kvæmdir langt komnar og reit­ur­inn allur að taka á sig mynd.

„Við þetta má bæta að fram­kvæmd­irnar eru að fullu fjár­magn­aðar, auk þess sem fram­kvæmda­kostn­aður stefnir á að verða innan áætl­ana. Það er vissu­lega rétt hjá Ragnari að verkið hefur dreg­ist tals­vert frá því sem von­ast var til í upp­hafi, en það á sér skýr­ingar sem allir þekkja nú þegar,“ segir Jóhannes.

Hann segir einnig mik­il­vægt í þessu sam­hengi að lán Lind­ar­vatns frá líf­eyr­is­sjóð­unum er og hafi alltaf verið í skilum. Líf­eyr­is­sjóður versl­un­ar­manna hafi fengið yfir hund­rað millj­ónir í vexti og verð­bætur frá Lind­ar­vatni til þessa.

„Við þetta má bæta að fram­kvæmd­irnar eru að fullu fjár­magn­aðar, auk þess sem fram­kvæmda­kostn­aður stefnir á að verða innan áætl­ana.“

„Til allrar ham­ingju eru full­yrð­ingar Ragnars Þórs um blekk­ingar og vand­ræði á Lands­símareitnum úr lausu lofti gripnar. Hlut­hafar og stjórn­endur Lind­ar­vatns eru sann­færðir um að þegar fram­kvæmdum lýkur verði reit­ur­inn lyfti­stöng fyrir borg­ar­búa og gesti okkar, sem ekki er van­þörf á, á þessu mik­il­væga svæði í hjarta Reykja­víkur.

Sjón er sögu rík­ari,“ skrifar Jóhannes og birtir með færslu sinni fyrir og eftir mynd af Land­símareitnum.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Innlent

Lög­reglan kölluð til eftir að hitn­aði í kol­unum við tölvu­leikja­spil

Sjö gist fangageymslur lögreglunnar eftir nóttina.

Innkalla leik­fang úr Tiger vegna köfn­un­ar­hættu

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu

Talninga-Tómas verður Dómara-Tómas