Aflétting samkomutakmarkanna og lengri opnunartími skemmtistaða hafði sitt að segja í störfum lögreglu nú í nótt. Umferðarlagabrotin tróna þó á toppnum eftir Jónsmessu og þannig hafði lögregla afskipti af fjölda ökumanna sem grunaðir eru um ölvunarakstur í höfuðborginni.
Tilkynning um allsérstæðan árekstur barst þá lögreglu um miðnæturbil í gær, en bifreið ökumanns hafnaði á ljósastaur eftir glæfraakstur í Grafarholti. Draga þurfti bifreiðina af vettvangi með dráttarbifreið, en ekki er vitað hvort ökumaður slasaðist. Tveir ökumenn gistu fangageymslur vegna gruns um ölvunarakstur, að því er kemur fram í dagbók lögreglu.
Þá kom lögregla dyravörðum á skemmtistað í miðbæ Reykjavíkur til aðstoðar en staðargestur þótti erfiður í vöfum og var vísað á dyr. Fram kemur í dagbók lögreglu að einstaklingurinn hafi haldið sína leið eftir tiltal, án frekari afskipta af hálfu yfirvalda.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir