Einn maður er látinn eftir að fíll gekk berserksgang í trúarathöfn á Indlandi í vikunni.
Atvikið átti sér stað á miðvikudaginn þegar íbúar í Palakkad voru að halda árlega trúarathöfn sem er haldin til minningar um Aloor Valiya Pookunjikoya Thangal samkvæmt indverskum fjölmiðlum. Nokkrir fílar tóku þátt í athöfninni og sturlaðist fíllinn sem heitir Pakkathu Sreekuttan í miðri athöfn og réðst á fólk sem stóð nærri honum. Þá tók hann upp mann með rananum og sveiflaði honum fram og til baka og kastaði svo að lokum frá sér. Maðurinn var færður á sjúkrahús á miðvikudaginn en úrskurðaður látinn í dag. Maðurinn hét Krishnan Kutty og var 58 ára gamall.
Auk andláts Kutty slösuðust 24 einstaklingar áður en tókst að róa fílinn.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir