Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Lestu allt um lygilegt lífshlaup Ólafs: „Ég var farinn að sprauta mig 15 ára gamall“

Ólafur Halldórsson. Mynd / Skjáskot af RÚV.
Ólafur Hall­dórs­son. Mynd / Skjáskot af RÚV.

Ólafur Hall­dórs­son gjör­beytti lífi sínu eftir bak­poka­ferða­lag um Afríku sem end­aði með því að hann stofn­aði mun­að­ar­leys­ingja­heim­ili í Kenýa sem hann rekur enn.

Ólafur er nýjasti gest­ur­inn í podcasti Sölva Tryggva­sonar:

,,Ég hef stundum sagt að ég hafi ein­fald­lega fengið köllun. Ég átti í raun ekk­ert val eftir að þessi hug­mynd var komin í haus­inn á mér. Ég var upp­haf­lega kom­inn þarna bara til að ferð­ast og ætl­aði að skoða Afríku betur þegar ég fékk gist­ingu á mun­að­ar­leys­ingja­heim­ili nálægt Vikt­or­íu­vatni.

Ég vakn­aði umkringdur vannærðum og illa höldnum börnum allt í kringum mig. Það var einn lít­ill strákur frá Uganda sem algjör­lega töfraði mig og eftir það var ekki aftur snúið. Ég hætti við öll frek­ari áform um ferða­lög og ákvað að nota ferða­pen­ing­inn frekar í að reyna að bæta aðbúnað þess­arra barna. Svo þegar ég kvaddi gerði ég sam­komu­lag við for­stöðu­mann­inn um að ég myndi senda pen­ing í hverjum mán­uði sem færi í morg­un­mat.

En pen­ing­ur­inn myndi bara koma gegn því skil­yrði að aldrei yrðu lagðar hendur á börnin, sem er því miður allt of algengt.

Næsta ár kom ég aftur og sá strax að pen­ing­ur­inn var ekki að fara í rétta hluti og með­ferðin á börn­unum var ekki nógu góð. Þá fann ég að ég yrði að gera eitt­hvað drastískt í þessu af því að það var ekki val fyrir mig að yfir­gefa bara þessi börn án þess að gera neitt í mál­unum. Ég sagði við sjálfan mig:

,,Ef þú gerir ekk­ert í þessu skalt þú hundur heita,” segir Ólafur og heldur áfram:

,,Ég náði að fá öll leyfi til þess að stofna mun­að­ar­leys­ingja­heim­ili sjálfur án þess að múta neinum, sem þykir merki­legt í þessum heims­hluta. Ég hef lík­lega verið í hálf­gerðu geð­rofi þegar ég ákvað að gera þetta og í raun er ótrú­legt að ég hafi náð að koma þessu í gegn af því að ég vissi ekk­ert hvað ég var að fara út í. Rekstur á mun­að­ar­leys­ingja­heim­ilum er því miður oft á tíðum bara stór bis­ness í þriðja heim­inum.

Þá er eng­inn hvati að ná að bæta aðbúnað barn­anna eða koma þeim út í lífið. Dæmið gengur bara út á að sýna illa haldin börn og fá reglu­legt fjár­magn sem fer síðan bara í allt aðra hluti en það sem þeir eiga að fara í.”

Ólafur hefur átt ótrú­legt lífs­hlaup, sem meðal ann­ars leiddi hann til Marokkó og Pakistan til þess að kom­ast í hrein­ustu fíkni­efni heims á meðan hann var í neyslu:

,,Ég fór á sjó­inn mjög ungur eftir að hafa hætt í Haga­skóla og 13-14 ára gam­all var ég bara kom­inn í þann heim. Ég var föð­ur­laus og sjó­ar­arnir voru í raun mín föð­urí­mynd og ég tók við því sem þeir réttu mér. Hvort sem það voru síga­réttur, víski­glas eða annað.Ég byrj­aði að drekka 13 ára gam­all og fór mjög fljótt að drekka illa. Svo kom hassið inn þegar ég var 14 ára og ég var far­inn að sprauta mig 15 ára gam­all. Þannig að þetta var mjög hröð þróun sem vatt síðan bara enn frekar upp á sig.

Ég var til skiptis á sjónum eða á flakki um heim­inn í áraraðir. Ég veit ekki alveg hverju ég var að leita að, en ég var í það minnsta að leita að góðum fíkni­efnum. Þegar ég komst að því að besta hassið væri í Marókkó fór ég þangað í margar ferðir og bjó þar til að vera nálægt besta efn­inu,” segir Ólafur, sem segir að svo hafi leiðin legið austur á bóg­inn.

,,Þegar ég fór svo að fara í harð­ari efni lá leiðin svo austur, fyrst til Indlands, en síðar Burma, Kína og Pakistan. Ég var ópíóða­fík­ill í mjög mörg ár og í þessum löndum var hægt að fá bestu efnin mjög ódýrt. Fyrir mér var hrein­lega ekk­ert vit í því að vera í neyslu á Íslandi. Bæði mun verri efni, allt of dýr og svo var líka skömm yfir því. Það var auð­veld­ara að vera bara einn af öllum hinum fíklunum í þessum löndum og maður hvarf í fjöld­ann.”

Ólafur náði á ótrú­legan hátt að kom­ast á beinu braut­ina eftir áraraðir af mik­illi neyslu:

,,Í rest­ina var ég orðin algjör alæta á fíkni­efni, hvort sem það var lækna­dóp eða ólög­leg efni og það var versti stað­ur­inn. Á þessum tíma kunni eng­inn á Íslandi að eiga við fíkla sem voru komnir svona langt. Á end­anum komst ég í með­ferð í Danmörku, en klúðr­aði því mjög hratt, en eftir þriðju atrenn­una náði ég loks­ins vopnum sem náðu að koma mér burt frá áfeng­inu og öllum sterku efn­unum. Það tók aðeins lengri tíma að losna við grasið. En lík­am­legu frá­hvörfin frá öllum þessum efnum voru gríð­ar­leg í mínu til­felli. Ég var með haus­verk og maga­krampa meira og minna í heilt ár og ég hélt að það yrði alltaf þannig, en það var samt skárra en ástandið á mér í neysl­unni. En smátt og smátt fór ég að lag­ast. Eitt af því sem hjálp­aði mér var trúin og ég tók út mikið af frá­hvör­f­unum með haus­inn í jörð­inni þar sem ég bað mörgum sinnum á dag.”

Ólafur hefur sem fyrr segir ákveðið að helga líf sitt mun­að­ar­leys­ingja­heim­il­inu sem er rekið undir nafn­inu Björt Sýn. Hann segir rekst­ur­inn ekki alltaf auð­veldan, en ein­hvern vegin haf­ist það alltaf:

,,Ég fékk sann­girn­is­bætur fyrir ein­hverjum árum vegna slæmrar með­ferðar og ofbeldis sem ég sætti sem barn í Landa­kots­skóla. Það kom sér vel að geta nýtt stóran hluta af þeim í að byggja upp mun­að­ar­leys­ingja­heim­ilið og var í raun það sem gerði mér kleyft að láta þetta ger­ast. Mér fannst það tákn­rænt eftir mína æsku að geta notað þetta fjár­magn fyrir börnin í Kenýa. Það hefur tekst núna að búa til betra líf fyrir um 70 börn sem eru þarna núna og það er alveg frá­bært. Þetta starf hefur gefið mér alvöru til­gang í fyrsta skipti á ævinni. Ég hef ekki lengur tíma til að vera fastur í eigin rassi dag­inn út og inn, af því að núna er eitt­hvað mik­il­væg­ara sem þarf að gera.

Það er engin smá gjöf sem ég hef fengið til baka frá þessum börnum. Rekst­ur­inn er stundum erf­iður frá mán­uði til mán­aðar, en sem betur fer hefur verið að koma fjár­magn úr alls kyns áttum á Íslandi og ég er alltaf jafn­þakk­látur fyrir það.”

Viðtalið við Ólaf og öll við­töl og podcöst Sölva Tryggva­sonar má nálg­ast inni á sol­vi­tryggva.is.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Innlent

Lög­reglan kölluð til eftir að hitn­aði í kol­unum við tölvu­leikja­spil

Sjö gist fangageymslur lögreglunnar eftir nóttina.

Innkalla leik­fang úr Tiger vegna köfn­un­ar­hættu

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu

Talninga-Tómas verður Dómara-Tómas