Margrét Halla Hansdóttir Löf játar að hafa beitt foreldra sína ofbeldi samkvæmt því sem kemur fram í nýjasta blaði Heimildarinnar.
Samkvæmt blaðinu neitar hún hins vegar að hafa átt aðild að andláti föður síns en hún situr í gæsluvarðhaldi og er með stöðu sakbornings í því máli. Rannsókn lögreglu á andláti Hans Roland Löf er í fullum gangi en hann lést 11. apríl eftir atvik sem kom upp á heimili hans í Súlunesi í Garðabæ.
Margrét heldur því fram að hún hafi ekki verið nærri föður sínum þegar hann hneig niður en dánarorsök liggur ekki fyrir.
Að sögn lögreglu er mikil vinna í gangi varðandi gagnaöflun og fleira í þeim dúr. Er það gert til að fá skýra mynd af andláti Hans.
Í viðtali við Heimildina sögðu tveir hestamenn að þeir hafi orðið vitni að ofbeldi Margrétar í garð foreldra sinna. Þannig lýsti einn sjónarvottur því að hann hefði orðið vitni að undarlegum atburðum inni í bifreið. Móðir konunnar sat þar og virtist sem dóttirin væri að reyna að faðma hana inni í bílnum. Þegar vitnið hafi nálgast bifreiðina hafi komið í ljós að dóttirin lét höggin dynja á móður sinni.
Hans Löf starfaði áður sem tannsmiður, en átti áttræðisafmæli daginn sem hann lést.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.































Athugasemdir