Níu ára stúlka lést í gær, fimmtudaginn 5. nóvember, eftir að hafa orðið fyrir bíl í bænum Tías á Kanaríeyjum. Tilraunir læknis og sjúkraflutningamanna til að bjarga lífi hennar báru ekki árangur.
Neyðarþjónusta Kanaríeyja fékk tilkynningu um slysið klukkan 17.23. Það varð á götunni Calle La Luchada í sveitarfélaginu Tías.
Læknir sem kom fyrstur á vettvang komst að því að stúlkan væri í hjartastoppi og hóf endurlífgun þar til sjúkralið kom á staðinn.
Sjúkraflutningamenn voru sendir á vettvang ásamt lækni og hjúkrunarfræðingi frá heilsugæslustöðinni í Tías.
Þau héldu áfram endurlífgunartilraunum á stúlkunnu með sérhæfðum aðferðum en því miður tókst þeim ekki að bjarga henni og staðfestu að hún hefði látist á vettvangi.
Lögregla í Tías og almannavarnir komu einnig á vettvang. Lögreglan rannsakar nú tildrög slyssins.
Ekki hefur verið greint frá nafni stúlkunnar eða þjóðerni hennar.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir