Egill Helgason bendir á hversu óvenjuleg stjórnarskiptin verða um helgina.
Í dag verður ný ríkisstjórn Samfylkingarinnar, Viðreisnar og Flokk fólksins kynnt og er þess beðið með mikilli óþreyju að fá að vita hver sest í hvaða ráðherrastól. Egill Helgason fjölmiðlamaður bendir á í nýlegri Facebook-færslu að stjórnarskiptin nú verði að einhverju leyti óvenjuleg, þar sem meðal annars sé um hrein stjórnarskipti að ræða sem ekki gerist oft á Íslandi. Þá hefur aðeins einn væntanlegur ráðherra áður setið í ríkisstjórn.
„Sumpart óvenjuleg stjórnarskipti nú um helgina. Í fyrsta lagi eru þetta hrein stjórnarskipti – það er að segja alveg nýir flokkar sem taka við. Það gerist ekki oft á Íslandi í okkar kerfi samsteypustjórna – seinast 2013, þar áður 1971. Aðeins einn væntanlegur ráðherra hefur áður setið í ríkisstjórn – Þorgerður Katrín Gunnarsdóttir. Og aðeins þrír þingmenn hafa áður verið í stjórnarliði – Þorgerður, Hanna Katrín Friðriksson og Þórunn Sveinbjarnardóttir. Annars allt nýgræðingar. Annað er ekki við hæfi í upphafi en að óska stjórninni velfarnaðar. (Bæti við Lilju Rafney sem mér yfirsást og er þarna nokkuð óvænt.)“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir