Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Auglýsing vekur hneykslun: „Græða helling af peningum“

„Korter í sið­leysi,“ segir kvik­mynda­gerð­ar­maður.

Úr auglýsingunni
Úr aug­lýs­ing­unni „Hér er mögu­leiki á að græða hell­ing af pen­ingum,“ segir norskur auð­maður í aug­lýs­ing­unni, en Ragnar Bragason kvik­mynda­fram­leið­andi telur það flokk­ast undir „freu­dian slip“. Mynd: Facebook / SFS

„Skelfi­leg aug­lýs­ing,“ segir kvik­mynda­gerð­ar­mað­ur­inn Ragnar Bragason kvik­mynda­gerð­ar­maður um nýj­ustu klippu Samtaka fyr­ir­tækja í sjáv­ar­út­vegi (SFS), sem er talin minna á norsku þátta­röð­ina Exit.

Aug­lýs­ing SFS er and­svar við frum­varpi rík­is­stjórn­ar­innar um að reikna veiði­gjöld af mark­aðsvirði afla en ekki sölu­verð­mæti í eigin við­skiptum útgerða við eigin fisk­vinnslu.

Aug­lýs­ing­unni er ætlað að benda á góðan árangur íslensks sjáv­ar­út­vegs í full­vinnslu á sjáv­ar­af­urðum. Þar hæð­ast tveir norskir útgerð­ar­menn að hug­mynd­inni um að Íslend­ingar horfi til „norsku leið­ar­innar“ í útgerð, þar sem fisk­veiðar og fisk­vinnsla eru í aðskildu eign­ar­haldi.

Minni á firringu bankahruns

„Klént og illa afgreitt hand­rit en hefur samt kostað hálfan hand­legg í fram­leiðslu,“ segir Ragnar Bragason um aug­lýs­ing­una. „Kald­hæðn­is­leg­ast er að það er “freu­dian slip” í leiktexta, eða: “Hér er mögu­leiki á að græða hell­ing af pen­ingum” sem gæti verið slogan fyrir verstu afleið­ingar kvóta­kerf­is­ins, þ.e hrun margra smárra sjáv­ar­þorpa á lands­byggð­inni vegna græðgi er fram­kvæmd var undir merkjum „hag­ræð­ingar“.“

„SFS er að eyða tugum ef ekki hund­ruðum millj­óna í aug­lýs­inga­her­ferð(ir) og áróður fyrir mál­stað sem ENGIN nema frændi þeirra hefur samúð með. Áróður sem er byggður á rang­hug­myndum, rang­færslum og er korter í sið­leysi. Þetta minnir á það allra versta sem var í gangi í bruðli og veru­leika­fyrr­ingu á tíma­bil­inu fyrir banka­hrun.“

Ragnar ólst upp á Súðavík til 11 ára ald­urs og þekkir því að búa í brot­hættri sjáv­ar­byggð. „Þar stendur heilt frysti­hús nán­ast ónotað,“ segir Ragnar um þorpið sitt.

Norska leiðin

Með aug­lýs­ing­unni vill SFS leiða umræð­una að kerf­inu í Noregi, þar sem fisk­veiðar og fisk­vinnsla eru lög­bundið aðskilin. Á Íslandi hafa útgerðir hins vegar gjarnan rekið sína eigin vinnslu. Með því hafa þær náð að lág­marka greiðslu á veiði­gjöldum. Aðferðin er sú að útgerðin veiðir fisk­inn og selur á und­ir­verði til eigin fisk­vinnslu. Önnur áhrif eru að með því fá sjó­menn­irnir greidd lægri laun, þar sem þeir fá hlut í afla­verð­mæt­inu sem útgerðin selur frá sér.

Útgerð­ar­fé­lögin vilja hins vegar meina að með því að halda allri virð­is­keðj­unni hjá sér geti þau full­nýtt fisk­inn. Einnig að afla verði ekki landað á Íslandi, vegna þess hversu há laun eru hér á landi, ef honum er ekki landað hjá tengdum aðila eða fisk­vinnslu í eigu útgerð­ar­innar.

Lýsi hf. sagði til dæmis nýlega í umsögn sinni um frum­varp rík­is­stjórn­ar­innar að fram­leiðslan gæti þurft að kaupa þorskalifur frá útlöndum, ef útgerðir þyrftu að greiða hærra veiði­gjald, þar sem þær myndu ekki landa afl­anum hér­lendis.

Boða að fiski verði landað erlendis

Þor­steinn Már Bald­vins­son, for­stjóri Samherja, hefur gengið svo langt að segja að íslenskur sjáv­ar­út­vegur muni líta allt öðru­vísi út eftir eitt ár ef áform rík­is­stjórn­ar­innar verða að veru­leika, en þau þýða að veiði­gjöld hefðu farið úr 10 millj­örðum í 20 millj­arða. „Það er stefnt mjög ákveðið að því að færa vinnsl­unni úr landi, það er ljóst. Það er mjög stutt yfir hafið,“ sagði hann þegar frum­varpið var kynnt.

„Engin breyt­ing verður á útreikn­ingi veiði­gjalds og mun útgerðin áfram halda 67% af hagn­aði veið­anna en greiðir 33% af hagn­að­inum fyrir afnot af auð­lind­inni,“ sagði í til­kynn­ingu rík­is­stjórn­ar­innar um frum­varpið, en með því er breyt­ingin sú að mark­aðs­verð verður grunnur fyrir útreikn­ing veiði­gjalds­ins en ekki sölu­verðið í eigin við­skiptum útgerðar eða tengdra aðila.

„Alger­lega óskilj­an­leg aug­lýs­ing“
Egill Helgason fjöl­miðla­maður

Fleiri hafa gagn­rýnt aug­lýs­ing­una, meðal ann­ars stjórn­ar­þing­mað­ur­inn Jón Gnarr og fjöl­miðla­mað­ur­inn Egill Helgason. „Alger­lega óskilj­an­leg aug­lýs­ing,“ segir sá síð­ar­nefndi, en fram­kvæmda­stjóri SFS, Heiðrún Lind Mart­eins­dóttir, svarar honum: „Er það ekki ein­kenni­legt að þú og fleiri fjasið yfir formi en ekki efni? Hvernig væri að ræða efni máls­ins, norsku leið­ina sem ráð­herra vill fara? Minni verð­mæta­sköpun, minni nýsköpun, hrá­efni flutt til Póllands óunnið, ósjálf­bærar fisk­vinnslur í Noregi o.s.frv.? Af nægu er að taka - jafn­vel ríf­lega 60 blað­síður af hug­leið­ingum frá SFS og þrjár álits­gerðir.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Peningar

Kaup­máttur jókst um 5,8 pró­sent frá upp­hafi kjara­samn­inga­lot­unnar

Atvinnuleysi fór á öðrum ársfjórðungi í fyrsta sinn frá 2010 yfir meðaltal OECD, þótt það sé enn tiltölulega lágt í alþjóðlegum samanburði.
  • Skiptum lokið á þrota­búi Talays

  • Elís seg­ist hafa tapað 100 millj­ónum í við­skiptum við fjár­festa

  • Prett­yboitjokkó stofnar fyr­ir­tæki með fyrrum lands­liðs­manni

  • Lands­liðs­konur í ný störf

  • Danskur hag­fræð­ingur segir krón­una hafa verið mis­heppn­aða til­raun í heila öld