Hinn frábæri útvarpsmaður, Páll Sævar Guðjónsson, greindi frá því að hann hafi eitt sinn sett heimsmet sem stóð í tvær vikur.
Gefum Palla orðið:
„Í dag (í gær, innskot blm) eru liðin 43 ár frá því að tölvuleikurinn Pac Man kom út. Þetta er frægasti tölvuleikur allra tíma.“

Hann fann sig fljótlega í þessum fræga leik; svo um munaði – og segir meira frá:
„Laugardag einn árið 1983 mætti ég á Góðborgarann Hagamel 67, klukkan 10:00 um leið og staðurinn opnaði til að spila leikinn. Klukkan 20:50 kom ég heim til mín eftir að hafa setið og spilað 1 leik allan þennan tíma. Niðurstaðan voru 1.842.480 stig það reyndist heimsmet sem stóð í 2 vikur. Skemmtileg minning.“
Ekki er vitað um neinn Íslending á þessari stundu sem náð hefur hærra skori en Palli, en viti einhver um það væri gaman að heyra frá viðkomandi.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir