Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Sport

Hver er Theodór Elmar?

Innlent

Myglu­eitur í hveiti

Fólk

Notalegt fjöl­skyldu­hús með nægu rými úti og inni til sölu

Pólitík

Segir Ísland úti­loka einmitt þá inn­flytj­endur sem landið þarf á að halda

Pólitík

Segir trygg­inga­fé­lögin „gambla“ með fé úr bóta­sjóðum

Pólitík

Ást­hildur Lóa vill beita skyldu­sparn­aði gegn verð­bólgu

Heimur

Breskir grínistar héldu leyni­lega lista yfir kyn­ferð­is­leg rán­dýr

Peningar

Skiptum lokið á þrota­búi Talays

Innlent

Innkalla leik­fang úr Tiger vegna köfn­un­ar­hættu

Innlent

Strauk henni um lærið þótt hún bæði hann að hætta

Missti fimm mánaða tvíbura sína í loftárás Ísraela: „Ég fékk ekki nóg af þeim“

Rania Abu Anza
Rania Abu Anza Mynd: Trausti Hafsteinsson

Það tók Raniu Abu Anza 10 ár og þrjár umferðir af tækni­frjóvgun að verða ólétt en aðeins nokkrar sek­úndur að missta fimm mán­aða gömlu tví­bura sína, strák og stelpu.

Ísra­elski her­inn gerði árás á heim­ili stór­fjöl­skyldu hennar í Rafah í suð­ur­hluta Gaza seint á laug­ar­dag, og drápu börn hennar, eig­in­mann og 11 aðra ætt­ingja og níu til við­bótar er saknað undir rúst­unum, að sögn eft­ir­lif­enda og heil­brigð­is­yf­ir­valda á staðnum.

Árásin

Hún hafði vaknað um tíu­leytið til að gefa Naeim, stráknum, brjóst og fór aftur að sofa með hann á öðrum hand­leggnum og Wissam, stelpuna, á hinum. Maðurinn hennar svaf við hlið þeirra.

Spreng­ingin kom einum og hálfum klukku­tíma síðar. Húsið hrundi.

„Ég öskr­aði eftir börn­unum mínum og eig­in­manni,“ sagði hún í gær við AP frétta­stof­una, þar sem hún grét og rugg­aði sér hald­andi barna­teppi þétt upp að sér. „Þau voru öll dáin. Faðir þeirra tók þau og skyldi mig eftir.“

Hún lok­aði aug­unum, hall­aði höfð­inu að veggnum og klapp­aði teppa­búnt­inu með róandi lát­bragði, sem hún hafði loks­ins fengið tæki­færi til að sýna.

Loft­árásir Ísra­els­hers hafa reglu­lega lent á fjöl­mennum fjöl­skyldu­heim­ilum frá því stríðið hófst á Gaza, jafn­vel í Rafah, sem Ísrael lýsti sem öruggu svæði í októ­ber en er nú næsta skot­mark hrika­legra árása þeirra.

Loft­árás­irnar koma oft án við­vör­unnar, vana­lega um miðja nótt.

Ísraelar segj­ast reyna að forð­ast að skaða óbreytta borg­ara og kenna her­skáum armi Hamas um dauða þeirra og segja þá stað­setja bar­daga­menn, jarð­göng og eld­flauga­árásir í þéttum íbúða­hverfum. En her­inn tjáir sig sjaldan um ein­staka árásir, sem oft drepa konur og börn.

Í gær tjáði her­inn sig ekki um árás­ina en sagð­ist „fara eftir alþjóða­lögum og geri raun­hæfar var­úð­ar­ráð­staf­anir til að draga úr skaða borg­ara.“

Af þeim 14 sem voru drepin í húsi Abu Anza, voru sex þeirra börn og fjögur þeirra konur, sam­kvæmt Dr. Marwan al-Hams, for­stjóra spít­al­ans sem líkin voru flutt í. Auk eig­in­manns hennar og barna, missti Rania einnig systur sína, frænda sinn, ólétta frænku sína auk ann­arra ætt­ingja.

Ættingi hennar, Farouq Abu Anza, sagði að um 35 manns hafi verið í hús­inu, sum hver partur af þeim fjöl­mörgu sem misst höfðu heim­ili sín áður. Sagði hann fólkið hafa verið óbreytta borg­ara, að mestu börn og að eng­inn bar­daga­maður hafi verið meðal þeirra.

Reyndu í áratug

Rania og eig­in­maður hennar, Wissam, bæð 29 ára, eyddu ára­tug í að reyna að eign­ast börn. Tvær tækni­frjóvg­anir höfðu mis­tek­ist en snemma á síð­asta ári fengu þau þær fréttir að hún væri orðin ólétt, eftir þriðju tækni­frjóvg­un­ina. Tví­burarnir fæddur 13. októ­ber.

Að hennar sögn var eig­in­maður hennar, dag­launa­maður, svo stoltur að hann krafð­ist þess að fá að skýra dóttur sína eftir honum.

„Ég fékk ekki nóg af þeim,“ sagði hún. „Ég sver að ég fékk ekki nóg af þeim.“

Minna en viku áður höfðu bar­daga­menn Hamas ráð­ist inn í suð­ur­hluta Ísrael í óvæntri árás þar sem um 1200 manns var drepin, að mestu leiti óbreyttir borg­arar. Þá voru 250 teknir í gísl­ingu, þar á meðal börn og unga­börn.

Örvænting

Ísrael svar­aði með einni mann­skæð­ustu og mest eyði­leggj­andi her­ferð í seinni tíð. Stríðið hefur drepið yfir 30.000 Palest­ínu­menn, sam­kvæmt heil­brigð­is­ráðu­neyt­inu á Gaza. Um 80 pró­sent íbúa Gaza, sem eru 2,3 millj­ónir, hafa flúið heim­ili sín og fjórð­ungur íbú­anna stendur frammi fyrir hung­ursneið.

Ráðu­neytið sagði í síð­asta mán­uði að meira en 12.300 palest­ínsk börn og ungir ung­lingar hefðu verið drepnir í stríð­inu, um 43 pró­sent af heild­ar­fjölda lát­inna. Konur og börn sam­an­lagt eru þrír fjórðu þeirra sem hafa lát­ist. Ráðu­neytið gerir ekki grein­ar­mun á óbreyttum borg­urum og stríðs­mönnum í tölum sínum.

Ísrael seg­ist hafa drepið yfir 10.000 bar­daga­menn Hamas en hafa ekki sýnt neinar sann­anir fyrir því.

Fyrir börnin sem lifa af hefur stríðið gert lífið að hreinu hel­víti, segja mann­úð­ar­starfs­menn, og að sem sum þeirra á norð­ur­hluta Gaza séu óbjarg­andi.

„Van­mátt­ur­inn og örvænt­ingin meðal for­eldra og lækna við að átta sig á því að björg­un­ar­að­stoð, í aðeins nokk­urra kíló­metra fjar­lægð, er haldið utan seil­ingar, hlýtur að vera óbæri­leg, en enn verra eru ang­ist­aróp þess­ara barna sem deyja hægt og rólega frammi fyrir augum heims­ins,“ sagði svæð­is­stjóri UNICEF, Adele Khodr, í yfir­lýs­ingu í gær.

Fram að gær­deg­inum hafði Abu Anza fjöl­skyldan verið nokkuð heppin. Rafah hafði sloppið við hina gríð­ar­leg eyði­legg­ingu sem Norður-Gaza hlaut, sem og borgin Khan Younis í Suður-Gaza, þar sem Ísra­elskir skrið­drekar og fót­göngu­liðar hafa barist blokk fyrir blokk, við víga­menn Hamas, eftir öldu loft­árása. Þá er Rafah einnig hluti af sífellt minnk­andi svæði þar sem enn er hægt að fá ein­hverja mann­úð­ar­að­stoð.

En Ísrael hefur sagt að Rafah sé næst og að um það bil 1,5 milljón manns sem sótt hefur þar skjól, verði fært annað, án þess að gefa upp hvert.

„Við höfum engan rétt,“ sagði Rania. „Ég missti fólkið sem var mér kær­ast. Ég vil ekki búa hér. Ég vil kom­ast burt úr þessu landi. Ég er þreytt á þessu stríði.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Lög­reglan lýsir eftir Nikulási Snorra­syni

Nikulás sást síðast á þriðjudag. Hann var þá með bláan bakpoka og klæddur í grænan sumarjakka.
Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Heimur

Kærasti Heidi Gardner lát­inn, 43 ára að aldri

Fólk

Vigtuð viku­lega og sett á mat­ar­plan aðeins tíu ára gömul

Heimur

Nýtt lyf í töflu­formi vekur vonir í bar­átt­unni við briskrabba­mein

Daraxonrasib sýndi lofandi árangur hjá fólki með útbreitt briskrabbamein, en frekari rannsóknir þurfa að leiða í ljós hversu lengi áhrifin vara.

Setti bráð­skemmti­legt heims­met

Dauði og eyði­legg­ing eykst á Gaza þrátt fyrir vopna­hlé

Dán­ar­or­sök Sir Patricks Stewart stað­fest

Pólland rann­sakar óþekktan hlut sem féll úr lofti

Tvö alvar­leg umferð­ar­slys á sama veg­ar­kafla á Tenerife