Árni Indriðason, menntaskólakennari og sagnfræðingur, er fallinn frá en mbl.is greinir frá andláti hans. Árni var 74 ára gamall.
Árni fæddist í Reykjavík árið 1950 og ólst upp á Seltjarnarnesi. Hann fór í MR og lauk þaðan stúdentsprófi árið 1970 og kláraði sagnfræði frá Háskóla Íslands árið 1977. Sama ár hóf Árni að kenna sögu í sínum gamla menntaskóla og gerði það allan sinn starfsferil og var hann ávallt einn af vinsælustu kennurum skólans.
Árni var einnig mikill íþróttagarpur en hann keppti í handbolta fyrir Víking Reykjavík og Gróttu og spilaði 60 landsleiki með íslenska landsliðinu í íþróttinni. Þá var hann um stund fyrirliði liðsins. Síðar hóf hann þjálfun í handbolta og þótti standa sig vel í þeim störfum sem hann tók sér fyrir hendur.
Árni lætur eftir sig eiginkonu og fjögur börn.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir