Aðalmeðferð í máli Maciej Jakubs Talik hófst í Héraðsdómi Reykjaness í morgun. Maciej er ákærður fyrir að hafa banað Jaroslaw Kaminski, meðleigjanda sínum, þann 17.júní síðastliðinn.
Maciej er gefið að sök að hafa stungið Jaroslaw fimm sinnum með hnífi í höfuð, háls og búk. Í ákærunni segir að sárin hafi verið á vinstri kinn, neðst á framanverðum hálsi, afturhluta hægri axlar, vinstri hlið brjóstsins og vinsti holhönd með sárgangi inn í hjarta.
Jaroslaw lætur eftir sig eiginkonu og stjúpbarn en krefst eiginkona hans miskabóta að fjárhæð sautján milljóna króna. Auk þess er lögð fram krafa upp á endurgreiðslu vegna útfararkostnaðar upp á 2,5 milljóna króna. Maciej bar fyrir sig í ágúst að hafa stungið meðleigjanda sinn í sjálfsvörn en í textaskilaboðum sem hann sendi rétt eftir miðnætti, aðfaranótt dagsins örlagaríka stóð: „Þessi vitleysingur, fyrst drep ég hann svo hengi ég mig.“ Þrjú vitni voru kölluð í skýrslutöku vegna samskipta þeirra við Maciej en lýstu vitnin því öll að hann hafi sagt þeim frá að voðaverkinu.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.































Athugasemdir