Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Innlent

Áttundi bekkur í ensku­tíma varð vitni að kyn­lífi starfs­manna

Sport

Hver er Theodór Elmar?

Pólitík

Hæddist að Snorra og Mið­flokknum í pontu

Innlent

Starfs­menn sagðir hafa stundað kyn­líf í skól­anum

Fólk

Stefán og Egill furða sig á kossa­hneyksl­inu í Haga­skóla

Innlent

Skóla­stjóri áréttar alvar­leika máls­ins eftir að myndir bár­ust

Innlent

Lög­reglan á Vest­ur­landi lýsir eftir 14 ára dreng

Heimur

Khloe Kar­dashian er demikyn­hneigð

Pólitík

Sagði frá kær­leik­anum sem hún finnur á Alþingi

Fólk

„Í dag eru tíu ár síðan ég varð fyrir nauðgun“

Sveinn Rúnar gagnrýnir viðbrögð við stuðningi Íslands við Úkraínu

Sveinn Rúnar Sig­urðs­son, læknir og laga­höf­undur, segir dauða rúm­lega árs­gam­allar stúlku í rúss­neskri árás á Kharkív minna á þann hryll­ing sem úkra­ínskir borg­arar búi við dag­lega. Hann gagn­rýnir jafn­framt hörð við­brögð fjöl­margra Íslend­inga við fréttum af íslenskum stuðn­ingi við Úkraínu.

Mæðgurnar
Mæðgurnar Angelina og Inna lét­ust í árás Rússa Mynd: Facebook

Í Facebook-færslu fjallar Sveinn Rúnar Sig­urðs­son um dauða Angelinu, rúm­lega árs­gam­allar stúlku sem lést í dróna­árás í borg­inni Kharkív í Úkraínu 19. októ­ber. Móðir hennar, Inna, lést einnig af sárum sínum nokkrum klukku­stundum eftir árás­ina.

Sveinn Rúnar, sem er hvað þekkt­astur fyrir að hafa samið fjöl­mörg lög í söng­keppni Sjón­varps­ins, segir mynd af stúlkunni, líf­lausri í kerru sinni, hafa birst víða um heim og á sam­fé­lags­miðlum.

„Það var íranskur dróni sem grand­aði litlu fjöl­skyld­unni og fleiri börnum og for­eldrum á leik­vell­inum í Kharkív Úkraínu,“ skrifar hann. Hann bendir jafn­framt á að drón­inn hafi verið knú­inn kín­verskum mótor og íhlutum og skotið á loft af Rússum.

Sveinn Rúnar segir árás­ina ekki vera eins­dæmi heldur hluta af dag­legum veru­leika almennra borg­ara í Úkraínu.

„Nákvæm­lega svona árásir skipta hund­ruðum á hverjum ein­asta degi og eiga sér stað um ger­vallt landið,“ skrifar hann.

Hann lýsir því hvernig árás­irnar bein­ist að borg­ara­legum skot­mörkum, þar á meðal íbúð­ar­húsum, sjúkra­húsum, skólum, brúm og lestum. Afleið­ing­arnar séu meðal ann­ars sam­an­fallin fjöl­býl­is­hús, eyði­legg­ing inn­viða og dauði barna og for­eldra.

„Saga Angelinu er ekk­ert eins­dæmi,“ segir Sveinn Rúnar og lýsir jafn­framt erf­iðum aðstæðum úkra­ínskra barna sem þurfi að stunda skóla í neð­an­jarð­ar­byrgjum.

Gagnrýnir Bandaríkjaforseta

Sveinn Rúnar telur að sér­stakar aðstæður hafi gert árás­ina sem varð Angelinu og móður hennar að bana enn átak­an­legri. Hann segir loft­varnaflaut­urnar ekki hafa hljó­mað þennan dag.

Hann beinir harðri gagn­rýni að for­seta Banda­ríkj­anna og tengir ákvarð­anir hans um stuðn­ing við Úkraínu við póli­tíska og fjár­hags­lega hags­muni. Hann heldur því meðal ann­ars fram að slökkt hafi verið á Starlink-kerfi úkra­ínska hers­ins og upp­lýs­inga­gjöf um yfir­vof­andi loft­árásir stöðvuð.

Þá gagn­rýnir hann til­raunir til að draga úr við­skipta­þving­unum gegn Rúss­landi og heldur því fram að við­skipta­hags­munir tengda­sonar for­set­ans og Steve Witkoff, banda­rísks erind­reka, hafi áhrif á stefnu Banda­ríkja­stjórnar í garð Úkraínu.

Sveinn Rúnar tengir einnig stefnu Banda­ríkja­for­seta í Mið­aust­ur­löndum og áhrif hennar á elds­neyt­is­verð við til­raunir hans til að hafa áhrif á þing­kosn­ing­arnar í Banda­ríkj­unum í nóv­em­ber.

Hneykslun vegna íslensks stuðnings

Í færsl­unni vísar Sveinn Rúnar einnig til fréttar á Vísi um að Íslend­ingar hefðu frá árinu 2022 stutt Úkraínu með vopna­kaupum fyrir sam­tals 20,4 millj­arða króna, eða um 150 millj­ónir evra.

Hann segir við­brögðin við frétt­inni á Facebook hafa verið hörð og að hund­ruð manna hafi lýst yfir hneykslan sinni í athuga­semdum.

Sveinn Rúnar gagn­rýnir þessi við­brögð og segir að reiðin hafi meðal ann­ars beinst að þeim sem minnst mega sín.

Hann ber íslenskan stuðn­ing við Úkraínu saman við stuðn­ing Svía og segir Svía hafa lagt fram fimm- til sexfalt hærri upp­hæð á hvern íbúa.

Jafn­framt bendir hann á að um 1,5 pró­sent íbúa Íslands séu úkra­ínskir flótta­menn. Flestir þeirra séu í vinnu og greiði skatta hér á landi.

„Ef íslenskir vinnu­veit­endur borga þessu fólki lág­marks­laun, er stað­reyndin samt sú að Úkra­ínu­menn á Íslandi hafa greitt þessa upp­hæð í skatta á Íslandi og gott betur,“ skrifar hann.

Hann vísar einnig til reynslu Tékka og segir útreikn­inga þar í landi hafa sýnt fram á fjár­hags­legan ávinn­ing af komu úkra­ínskra flótta­manna.

„Megi minning Angelinu og Innu lifa“

Í lok færsl­unnar sendir Sveinn Rúnar Úkra­ínu­mönnum kveðju og vonar að þeir finni styrk til að takast á við áfram­hald­andi stríðs­á­tök og mót­læti.

„Megi Úkra­ínu­menn hvar­vetna, vinir og fjöl­skylda, finna styrk til þess að kom­ast í gegnum þennan hryll­ing, þrátt fyrir yfir­gengi­legt mót­lætið,“ skrifar hann.

Hann lýkur færsl­unni með orð­unum: „Megi minn­ing Angelinu og Innu lifa í haf­sjó lát­inna Úkra­ínu­manna, sem nú telur hund­ruð þús­unda.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Fjársterkir tölvuþrjótar taldir hafa ráðist á 1984
Innlent

Dæmdur í níu ára fang­elsi fyrir kóka­ínsmygl með Norrænu

Heimur

Nýtt lyf í töflu­formi vekur vonir í bar­átt­unni við briskrabba­mein

Innlent

Talninga-Tómas verður Dómara-Tómas

Fólk

Sáttasex leysir ekki ágrein­ing­inn

Innlent

Innkalla leik­fang úr Tiger vegna köfn­un­ar­hættu

Gæti skap stórhættu fyrir börn

Bens­ín­verð hækkar hér á landi á meðan heims­mark­aðs­verð lækkar

Strauk henni um lærið þótt hún bæði hann að hætta

Styrkja Bjarka­hlíð um tæpar 40 millj­ónir

Hljóp á brott eftir inn­brot í bíl í aust­ur­bænum