Þrjár milljónr evra frá Björgólfi Thor í WOW air

Bókin kemur út í dag en í henni er greint frá því hverj­ir það voru sem skráðu sig fyr­ir skulda­bréf­um í útboð­inu. Samkvæmt umfjöllun Morg­un­blaðs­ins vegna útgáfu bók­ar­innar kemur fram í henni að rétt rúmur helm­ingur þess fjár sem safn­að­ist í útboð­inu komi frá ein­stak­lingum og fyr­ir­tækjum sem stóðu Skúla Mogensen, stofn­anda WOW air, og félag­inu sjálfu næri. Tengslin eru ýmist per­sónu­leg eða við­skipta­hags­munum.

Morg­un­blaðið hefur eftir Stefáni Einari að sterkar vís­bend­ingar séu tl þess að ríf­lega helm­ingur þess fjár­magns sem hafi safn­ast sé í raun runnið frá þátt­tak­endum aftur til þeirra sjálfa í gegnum fléttu þar sem skuldum félags­ins yrði breytt úr skamm­tíma­skuldum yfir í lang­tíma­skuldir. Þannig hafi féð sem safn­að­ist ´útboð­inu ekki nema að tak­mörk­uðu leyti skilað sér til félags­ins sem nýtt rekstr­arfé.

Orðrómur um að Björgólfur Thor eigi í WOW air hefur heyrst árum saman. Björgólfur og Skúli eru gamlir vinir sem ráku saman skemmti­staði í Reykja­vík fyrr síð­ustu alda­mót.

Stefán Ein­ar kynn­ir bók sína, sem ber heitið WOW: ris og fall flug­fé­lags, á há­deg­is­fundi í Nor­ræna hús­inu í dag.