Vilja vita hvert millfærslurnar af reikningi Arcticnam fóru

Nefnd um varnir gegn spill­ingu (Anti Corruption Commision) hefur und­an­farið haft til rann­sóknar mál sem tengj­ast spill­ingu í namibískum sjáv­ar­út­vegi, þar á meðal pen­inga­greiðslur af reikn­ingi Articnam, sem er félag í eigu sjáv­ar­út­vegs­fyr­ir­tæk­is­ins Samherja og namibískra fyr­ir­tækja, að því er fram kemur á RÚV. Þar er greint frá því að Namibískir fjöl­miðlar hafi fjallað um rann­sókn á því hvert 60 millj­ónir namibískra doll­ara, sem sam­svarar um hálfum millj­arði íslenskra króna, voru milli­færðar af reikn­ingi Arcticnam, fyrir þremur árum.

Fjöl­miðll­inn Namibian greindi frá því í sept­em­ber að Sharon Neumbo, stjórn­ar­for­maður Sinco Fishing, félags sem starfað hefur með Samherja í Namibíu, hafi leitað til lög­reglu í sama mán­uði vegna millj­óna­milli­færslu út af reikn­ingum Arcticnam. Taldi Neumbo færsl­una vera ólög­lega. Í frétt The Namibian seg­ist Neumbo hafa undir höndum gögn sem sýni að féð hafi verið milli­fært í þremur greiðslum til tveggja íslenskra fyr­ir­tækja, annað í Namibíu en hitt á Máritíus. Var Neumbo sjálf síðan hand­tekin grunuð um spill­ingu, nánar til­tekið fyrir að hafa svikið hund­ruð þús­und namibískra dala út úr eigin félagi, en var sleppt úr varð­haldi stuttu síðar.

Félög tengd Samherja hafa árum saman stundað fisk­veiðar við vest­ur­strönd Afríku og í gær sendi Samherji frá sér yfir­lýs­ingu vegna vænt­an­legrar umfjöll­unar fjöl­miðla um meint brot er varða starf­semi útgerð­ar­innar í Namibíu. Þar segir meðal ann­ars að for­ráða­menn Samherja hafi orðið þess áskynja að ekki væri allt með felldu í rekstr­inum í Namibíu árið 2016 og af þeim sökum hafi fyrr­ver­andi rann­sókn­ar­lög­reglu­maður verið sendur þangað til að kanna málið. Nokkurra mán­aða vinna hafi leitt til þess að stjórn­anda Samherja í Namibíu var sagt upp störfum, vegna óásætt­an­legrar fram­göngu hans og hegð­unar.

Í yfir­lýs­ing­unni kemur jafn­framt fram að Samherji ætli ekki að tjá sig um ein­stakar ásak­anir fyrr en nið­ur­staða ítar­legrar rann­sóknar alþjóð­legu lög­manns­stof­unnar Wikborg Rein á starf­semi útgerð­ar­innar í Afríku liggur fyrir.

Í aug­lýs­ingu fyrir frétta­skýr­inga­þátt­inn Kveik, sem verður sýndur í lengri útgáfu kvöld, kemur fram að „hul­unni verði svipt af vafasömum starfs­háttum íslensks stór­fyr­ir­tækis„. Þá má geta þess að Stundin hefur boðað ítar­lega útgáfu blað­is­ins á óhefð­bundnum tíma í kvöld.