Donald Trump Bandaríkjaforseti ávarpaði bandarísku þjóðina í nótt og lýsti yfir ferðabanni frá Evrópu í 30 daga vegna útbreiðslu COVID-19. Bannið nær til allra erlendra ríkisborgara sem hafa verið á Schengen-svæðinu undanfarna 14 daga. Bretland er undarskilið. Bannið tekur gildi á miðnætti á föstudaginn.
Trump sagði að Evrópuríkjum hefði ekki tekist að hindra útbreiðsluna með því að setja á ferðabann frá áhættusvæðum og þess vegna væri útbreiðslan orðin mikil. Hann segist taka ákvörðunina til að vernda alla Bandaríkjamenn.
Trump nýtti tækifærið til að minna fólk á að halda áfram að þvo á sér hendurnar og þrífa snertifleti reglulega. Eins bað hann fólk um að halda sig heima ef það er lasið.
38 hafa látist í Bandaríkjunum vegna veirunnar, 24 þeirra látnu voru frá Washington. ÞAr hefur samkomubann verið sett á.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.






































Athugasemdir