Einar hvetur fólk til að leita réttar síns

Fæst okkar myndu sætta sig við að fara út í búð eftir potti af mjólk en koma þaðan út með þvotta­duft og kló­sett­pappír líka því kaup­mað­ur­inn hafi sagt að þetta færi nú að klár­ast heima hjá þér. Auðvitað myndi fólk ekki sætta sig við það heldur berja í borðið. Af hverju er þessu öðru­vísi farið þegar kemur að rétti neyt­and­ans vegna keyptrar þjón­ustu hjá bíla­verk­stæðum?

Það hefur komið fyrir að við­skipta­vinir bíla­verk­stæða reiði fram fúlgur fjár fyrir þjón­ustu sem ekki var beðið um. Einar Bjarni Ein­ars­son, lög­fræð­ingur hjá Neyt­enda­sam­tök­unum, hvetur fólk sem lendir í slíku til að leita réttar síns. „Unnt væri fyrir ein­stak­ling sem lendir í þessu að bera ágrein­ing­inn undir kæru­nefnd vöru- og þjón­ustu­kaupa og fá úr því skorið hvort þetta hafi verið í sam­ræmi við lög um þjón­ustu­kaup,“ segir Einar sem hvetur neyt­endur til að kynna sér rétt sinn lendi þeir í atvikum sem þessum.

Fjallað er um málið í nýjasta tölu­blaði Mannlífs.