„Allt sem ég hef afrekað á ég foreldrum mínum að þakka“

Guðni Th. Jóhann­es­son, for­seti Íslands, óskar móður sinni til ham­ingju með afmælið í færslu á Facebook-síðu sinni. Margrét Thorlacius, móðir Guðna, fagnar stóraf­mæli í dag, en hún er átt­ræð.

Guðni þakkar for­eldrum sínum fyrir allt sem hann hefur afrekað um ævina.

„Móðir mín Margrét er átt­ræð í dag.

Ekki vill hún Margrét Thorlacius hafa stóra veislu, ráð­deild og hóg­værð eru henni í blóð borin. En hún hlakkar til að hitta barna­börnin, líf hennar og yndi. Mamma var barna­kenn­ari árum saman, afar vin­sæl og vel liðin. Með Jóhann­esi Sæmunds­syni, föður okkar bræðr­anna sér við hlið, bjó hún okkur öruggt og ynd­is­legt æsku­heim­ili. Pabbi, sem var lengi far­sæll íþrótta­kenn­ari og þjálf­ari, lést eftir erfið veik­indi árið 1983 en hefði honum enst aldur til hefði hann fagnað átt­ræð­is­af­mæli síðar í sumar.

Allt sem ég hef afrekað á ég for­eldrum mínum að þakka, á hinu sem hefur miður farið ber ég ábyrgð. Hjart­an­lega til ham­ingju með afmælið, móðir góð!“