Innan við 30 mínútur að safna fyrir súrefnisvélum: „Verulega ánægjulegt að finna fyrir samtakamætti samfélagsins“

Í gær­kvöldi var birt ákall frá hjúkr­un­ar­heim­ilum Fjarða­byggðar á Facebook síð­unni Fjarða­byggð – Aug­lýs­ingar og við­burðir.

Ákveðið var að leita til nær­sam­fé­lags­ins eftir fjár­stuðn­ingi, meðal ann­ars við kaup á sex önd­un­ar­vélum. Við­brögðin létu svo sann­ar­lega ekki á sér standa, en það tók innan við 30 mín­útur að safna fyrir súr­efn­is­vél­unum.

„Við erum klökk yfir öllum stuðn­ingnum sem við fengum í kjöl­far þess að við sendum út ákallið til fyr­ir­tækja og félaga­sam­taka. Það tók okkur innan við 30 mín­útur að safna við súr­efn­is­vél­unum,“ segir Ragnar Sig­urðs­son fram­kvæmda­stjóri Hjúkr­un­ar­heim­ila Fjarða­byggðar í frétt á Aust­ur­frétt.

Það voru Fiskeldi Aust­fjarða, Tandra­berg, Tandra­bretti og Laxar fisk­eldi sem voru fyrst til að svara kall­inu og fjár­mögn­uðu kaupin með rausn­ar­legu fram­lagi til heim­il­anna. Einnig hafa önnur fyr­ir­tæki, félaga­sam­tök og ein­stak­lingar haft sam­band og viljað leggja sitt af hendi.

„ Við áttum alls ekki von á svo skjótum við­brögðum og veru­lega ánægju­legt að finna fyrir sam­taka­mætti sam­fé­lags­ins við aðstæður sem þessar,“ segir Ragnar og bætir við að þó að safnað hafi verið fyrir súr­efn­is­vélum, þá er einnig fjöl­margt annað sem nota má söfn­un­arfé í, svo sem að auka afþr­ey­ingu íbúa með kaupum á tækja- og lík­ams­rækt­ar­bún­aði.

Þeim sem vilja styrkja hjúkr­un­ar­heim­ilin er bent á:
Minn­ing­ar­sjóð Uppsala, Kt: 681108-1060, Banka­reikn­ingur: 0171-15-380020.
Minn­ing­ar­sjóð Huldu­hlíðar, kt: 660691-2199, Banka­reikn­ingur: 569-14-408005