Helgi baunar á stjórnvöld: „Vonandi fær Muhammed að búa hér í friði“

„Vonandi fær Muhammed að búa hér í friði, án þess að þurfa sífellt að rétt­læta til­vist sína fyrir sam­löndum sínum, og þótt börnum sé vafa­laust best borgið utan svíð­andi sviðs­ljóss­ins skulum við aldrei gleyma sjö ára barn­inu sem átti að senda úr landi.

Því þau verða fleiri.“

Þetta skrifar Helgi Hrafn Gunn­ars­son, þing­maður Pírata, í pistli á mann­líf.is. Hann segir að eftir mikla fjöl­miðlaum­fjöllun um mál Muhammeds litla og fjöl­skyldu, sam­stöðu­fund með fjöl­skyld­unni og mót­mæli gegn brott­flutn­ingi hennar hafi dóms­mála­ráð­herra brugð­ist við með því að til­kynna reglu­gerð­ar­breyt­ingu sem á að gera fjöl­skyld­unni kleift að vera hér áfram. Þótt dóms­mála­ráð­herra vilji ólm gera eitt­hvað eftir alla fjöl­miðlaum­fjöll­un­ina, þá sé hins vegar ekki vilji hjá stjórn­völdum til þess að gefa fólki utan EES-svæð­is­ins meira svig­rúm til að setj­ast hér að heldur en virð­ist algjör­lega nauð­syn­legt, ýmist vegna ákalls almenn­ings, atvinnu­rek­enda eða alþjóða­laga.

Hann segir að und­ir­liggj­andi vandi sé að Ísland skorti útlend­inga­stefnu. „Við höfum ekki einu sinni skil­greint hvað það er sem við viljum, né hvað það er sem við viljum forð­ast. Lög­gjöfin hefur fyrst og fremst þró­ast út frá sam­blöndu af til­vilj­ana­kenndum sveiflum í mis­reglu­legum flutn­ingum fólks, ein­hvers konar laga­legri nauð­hyggju, þörf yfir­valda til að líta vel út og síð­ast en ekki síst tauga­veiklun yfir því að hér vilji of margt fólk setj­ast að.“