Jón Halldór Jónsson forstjóri Keflavíkurverktaka látinn

Jón Halldór Jónsson, fyrr­ver­andi for­stjóri Kefla­vík­ur­verk­taka, er lát­inn. Hann lést 3. nóv­em­ber, 91 árs að aldri.

Jón nam við Verzlunarskóla Íslands og lærði einnig skipa­smíði í Iðn­skól­anum í Reykja­vík og útskrif­að­ist þaðan 1951. Sama ár hóf hann störf hjá varn­ar­lið­inu á Kefla­vík­ur­flug­velli. Jón varð fram­kvæmda­stjóra Bygg­inga­verk­taka Kefla­víkur hf. og síðar for­stjóri Kefla­vík­ur­verk­taka til starfs­loka árið 2000. Kefla­vík­ur­verk­takar var öfl­ugt verk­taka­fyr­ir­tæki sem reisti mann­virki innan og utan Kefla­vík­ur­flu­vallar og skap­aði fjölda starfa fyrir iðn­að­ar­menn á Suð­ur­nesjum og víðar.

Jón starf­aði mikið að félags­málum og sat í ýmsum stjórnum á ferli sínum. Þá var hann virkur í starfi Sjálf­stæð­is­flokks­ins og mik­ill áhuga­maður um stang­veiði.

Eig­in­kona Jóns var Soffía Kristín Karls­dóttir, leik­kona og revíu­söng­kona en hún lést nýverið. Þau áttu 10 börn og eru afkom­end­urnir hjón­anna orðnir 82 tals­ins.