Framkvæmdastjóri og meðeigandi bílabúðarinnar og -verkstæðisins Sveinn Egilsson og co, Jón Egilsson (1888–1929) var myrtur á verkstæðinu sem staðsett var á Laugavegi.
Fram kom að látúnsstöng hafði verið notuð til að slá Jón í höfuðið sem olli því að höfuðkúpa hans brotnaði; Jón svaf á verkstæðinu eftir að þar hafði verið framið innbrot.Um kvöldið sem Jón var myrtur var öllu verðmætu stolið úr peningaskáp fyrirtækisins, og miðað við öll verksummerki var strax talið að sá sem illvirkið hafði framið væri vel kunnugur húsinu.Það kom síðan á daginn að maður að nafni Egill Haukur Hjálmarsson (1910–1990), hafði framið hinn hræðilega verknað; Egill játaði á sig morðið þegar lögreglan handtók hann daginn eftir ódæðið.Sagði Egill í yfirheyrslu lögreglunnar að hann hafi alls ekki ætlað sér að drepa Jón. En eftir að Egill hafði lagt hendur á verðmæti og var á leið út með þýfið vaknaði Jón.Í uppnámi greip Egill til látúnsstangarinnar og sló Jón svo af hlaust bani.Egill var síðar dæmdur til sextán ára fangelsisvistar, í svokölluðu typtunarhúsi, en í því húsi voru fangar látnir vinna á daginn og voru í einangrun á næturnar.
Athugasemdir