Vilhjálmur Árnason þingmaður Sjálfstæðisflokksins lék sér að eldinum á Facebook í gær með færslu þar sem hann spyr hvað fólki finnst um nafnið Aðventustjórnin á nýju ríkisstjórninni.
Viðbrögðin voru sum hver stjórninni í hag en fékk hún einnig á baukinn hjá þó nokkrum.
Kjartan nokkur stingur upp á Höfuðborgarstjórninni og vísar þar í þær gagnrýnisraddir sem heyrst hafa utan af landi þar sem talað er um hversu fáir ef einhverjir ráðherranna eiga tengingu við landsbyggðina.
Sigurjón segist svekktur og reyndar eru það margir sem skrifa athugasemdir við færsluna.
„Svekktur að hugsa til þess að stórsigur vannst í Suðurkjördæmi og að kjördæmið telji 8 þingmenn en á ekki ráðherra í dag frekar en s.l. 3 kjörtímabil, ef mönnum finnst það eitthvað til að kætast yfir þá skulu þeir hinu sömu bara sætta sig við árangur Manchester United áfram og una vel við sitt.“
Ástþór skýtur léttum en hnitmiðuðum skotum á Sjálfstæðisflokkinn.
„Báknið burt nema þegar það þarf að fjölga ráðherrastólum fyrir pólitíkusa með of stórt egó? Þetta skítur örlítið skökku við svona í samhengi þess hvert slagorð ykkar var í kosningabaráttunni.“
Björn Leví, þingmaður Pírata kemur með skemmtilega tillögu að nafni.
„Jólastjórnin. Með 13 jólasveina (ráðherrar + forseti þings)“
Ásta hefur áhyggjur af náttúru Íslands.
„Fékk kvíðahnút í magann þegar ég sá hver fékk umhverfismálin og fylltist svartsýni fyrir hönd okkar fagra lands. Svo fann ég ekkert markvert um menntamálin í sáttmálanum … vona að Ásmundur hafi eitthvert vit á skólamálum almennt.“
Pétur kemur með sína uppástungu.
„Klambrastjórnina? Æi, óttalega klambursleg“
Ívar stingur upp á nafni tengdu vinsælum ávexti.
„Bananastjórnin, enda kjörin í kosningum þar sem lög voru brotin“
Athugasemdir