Magga Frikka sannfærð um að geta ekki smitað aðra: „Ég er greinilega ein af þeim“

Bar­áttu­konan og rit­stýran Margrét Frið­riks­dóttir full­yrðir að hún geti ekki smitað aðra af Covid-19 því hún sé sjálf ónæm fyrir sjúk­dómnum. „Ég er greini­lega ein af þeim. Þetta þýðir ef ég get ekki smit­ast þá get ég heldur ekki smitað útfrá mér,“ segir hún í nýlegri færslu á Facebook.Þar gefur Margrét einnig fréttir af dætrum sínum sem báðar smit­uð­ust af Covid en eru að jafna sig. „Yngri stelpan mín er orðin góð en sú eldri er með smá kvef núna, hún veikt­ist aðeins meira en hin, ég er að vísu búin að gefa þeim Ivermectin, D-vítamín, lýsi, C-vítamín og Zink. Ég hins­vegar grein­ist ekki smituð og ekki með nein ein­kenni þrátt fyrir að ég sé mjög útsett hér á heim­il­inu. Ég vil án gríns núna láta rann­saka blóðið í mér og fá skýr­ingar hvers vegna ég er ekki að smit­ast þrátt fyrir margar til­raunir.“

Líkt og Mannlíf greindi frá hefur Margrét síð­ustu daga verið að reyna að smit­ast af Covid-19 en ekk­ert gengur. Báðar dætur hennar smit­uð­ust og hefur Margét reynt allt til að smit­ast af þeim, en án árang­urs.

Aðspurð hvers vegna hún reyni nú allt til að smit­ast af Covid segir Margét ástæð­una vera þá að hana langi í mótefnið í lík­ama sinn. „Merki­leg­ast er að ég er búin að bera reyna smit­ast en ekk­ert gengur og eldri stelpan mín smit­ast ekki heldur, erum allar óbólu­settar. Ég er einmitt búin að vera drekka úr glas­inu hennar og láta hana anda ofan í mig en ekk­ert gengur,“ sagði Margét í sam­tali við Mannlíf.

Margrét hefur skráð sig í alþjóð­lega sam­an­burð­ar­rann­sókn þar sem reynt verður að finna út hvor hóp­ur­inn er betur varður gegn kór­ónu­veirunni, bólu­settir eða óbólu­settir. Varla þarf að taka það fram að Margrét til­heyrir síð­ari sam­an­burð­ar­hópnum enda hefur hún lengi talað gegn bólu­setn­ingum hér á landi gegn veirunni skæðu. Samkvæmt rann­sókn­inni seg­ist Margét alls ekki mega láta bólu­setja sig gegn Covid-19.