Logi Bergmann farinn í „frí“ – „Ég hef verið betri“

Logi Berg­mann Eiðsson, ann­ar um­sjón­ar­manna Síðdeg­isþátt­ar­ins á K100, er far­inn leyfi frá störfum sínum. Því lýsti hann yfir í útvarp­þætti dags­ins og sagð­ist hann „ætla í frí eft­ir þátt­inn í dag.“

Siggi Gunn­ars, hinn um­sjón­ar­maður þátt­ar­ins, spurði Loga hvernig hann hefði það: „Ég hef verið betri, en við ætl­um að gera hérna út­varps­þátt. Ég hendi ein­um þætti í loftið núna og svo fer ég kannski í smá frí og við sjá­um bara til hvað ger­ist,“ sagði Logi.

Logi Bergmann er einn fimm manna sem Vítal­ía Lazareva hef­ur sakað um brot gegn sér.

Mál Vítalíu hefur vakið gríð­ar­lega athygli eftir að Mannlíf birti frá­sagnir hennar af sam­fé­lags­miðlun þar sem ofan­greindir menn, ásamt lík­ams­rækt­ar­frömuðnum Arnari Grant, voru sak­aðir um kyn­ferð­is­legt áreyti og mis­notkun í hennar garð. Vítalía var í leyni­legu ást­ar­sam­bandi við Arnar sem að hennar sögn nán­ast fal­bauð hana vinum sínum. Hún lýsti ferð í sum­ar­bú­stað þar sem hún og fjórir menn voru nakin í heitum potti og mörk hennar voru ekki virt.

Sjá einnig:

Þetta eru menn­irnir sem Vítalía ásakar – Ari í leyfi vegna ásak­ana

Þá sagði hún frá golf­ferð þar sem þekktur fjöl­miðla­maður fékk leyfi ást­manns­ins til að mis­bjóða henni. Hún birti nöfn meintra ger­enda og sam­skipti við þá á sam­fé­lags­miðlum. Vítalía kom síðan fram í hlað­varps­við­tali hjá Eddu Falak þar sem hún sagði frá málum í smá­at­riðum. Meðal ann­ars lýsti hún því þegar ást­maður hennar, harð­giftur, bauð vini sínum, sem hafði komið óvænt að þeim í ást­ar­leik, á hót­eli í Borg­ar­firði, aðgang að henni.

Líkt og Mannlíf greindi frá í dag hafa allir menn­irnir nú stigið til hliðar úr ábyrgð­ar­stöðum sínum vegna ásakan­anna.