Fjárfesting Moggans í prentvél Fréttablaðsins og eyðilegging hennar vekur mikla athygli. Talið er að Árvakur, útgáfa Morgunblaðsins, hafi greitt sem nemur 10 milljónum króna fyrir vélina sem fer til niðurrifs til að tryggja einokun á prentun dagblaða.
Þetta er reyndar ekki há upphæð ef litið er til launa ritstjóranna, Davíðs Oddssonar og Haraldar Johannesen, sem eru samanlagt með um átta milljónir króna á mánuði í laun og tengd gjöld eða tæplega 100 milljónir króna á ári. Þeir bera stærsta ábyrgð á óráðssíunni.
Mogginn fékk ríkisstyrk upp 74 milljónir eða á aðeins fyrir hluta þeirra launa sem ritstjórarnir þyggja. Þeir eru því væntanlega dýrustu óreiðumenn Íslands. Þrátt fyrir styrkinn tapaði fjölmiðillinn 240 milljónum króna á síðasta ári eða sem nemur 20 milljón krónum á mánuði. Það þýðir að á hverjum degi brenndi Mogginn sem nemur 670 þúsund krónum.
Þetta er hins vegar ekki vandamál því góðhjörtuð ekkja úr Vestmannaeyjum borgar brúsann og forðar þannig Haraldi og Davíð frá gjaldþroti Moggans í annað sinn. Þetta er skondið í því ljósi að blaðið eyðir gríðarlegri prentsvertu í að útlista skuldastöðu og óráðssíu Reykjavíkurborgar og annarra sem kunna lítið fyrir sér í rekstri. Fyrirgef oss vorar skuldir, eða þannig …
Athugasemdir