Jóhannes ósáttur með verkfall flugumferðarstjóra: „Veru­leg fjár­hags­leg áhrif“

Mikil röskun var á flugi í gær vegna vinnu­stöðv­unar flug­um­ferð­ar­stjóra. Önnur vinnu­stöðvun er boðuð klukkan 04:00 í nótt og mun standa yfir í sex klukku­tíma. Daganna 18. og 20. des­em­ber hefur einnig verið boðað til vinnu­stöðv­unar. Viðræður um nýjan samn­ing í kjara­deil­unni ganga illa að sögn sér­fræð­inga. Jóhannes Þór Skúlason, fram­kvæmda­stjóri Samtaka ferða­þjón­ust­unnar, telur ástandið slæmt.

„Þess­ar aðgerðir fara mjög illa í okk­ur. Öll trufl­un á flug­sam­göng­um hef­ur veru­lega rask­andi áhrif á grein­ina og sér­stak­lega á flug­fé­lög­in. Rösk­un­in geng­ur síðan niður keðj­una að ein­hverju leyti. Ef fólk tap­ar degi eða ein­hverju slíku þá hef­ur það veru­leg fjár­hags­leg áhrif, ekki bara á grein­ina held­ur á sam­fé­lagið eins og hef­ur komið fram í ný­legri skýrslu um skatt­spor grein­ar­inn­ar. Þetta eru rúm­lega 400 millj­ón­ir á dag sem grein­in er að skila inn til sam­fé­lags­ins,“ sagði Jó­hann­es Þór við mbl.is en hann telur þó ekki að stjórn­völd eigi að stíga inn í deil­una strax.

„Ég held að það sé ekki tíma­bært að ræða það enn þá en það er al­gjör­lega ljóst að verk­föll á þess­um stað í sam­fé­lag­inu geta haft gríð­ar­leg áhrif á afar stutt­um tíma.“