Kvennaganga fyrir Palestínu 8. mars: „Ástandið á Gaza er ekki síst hryllilegt fyrir konur og börn“

Þann 8. mars næst­kom­andi er alþjóð­legur bar­áttu­dagur kvenna fyrir friði og jafn­rétti en lengi hefur hafa fjöldi sam­taka staðið fyrir bar­áttufundum undir ýmsum for­merkjum. Í ár verður gengið til stuðn­ings Palest­ínu.

Safnast verður saman á Arn­ar­hóli klukkan 16:40 þann 8. mars og gengið klukkan 17:00 sem leið liggur í PORTIÐ í gamla Kola­port­inu, þar sem hald­inn verður bar­áttufundur.

Í frétta­til­kynn­ingu sem barst frá skipu­leggj­endum fund­ar­ins segir eft­ir­far­andi:

„Þjóð­ar­morðið sem nú stendur yfir á Gaza er fem­inískt bar­áttu­mál. Við getum ekki aðskilið bar­áttu fyrir kven­rétt­indum frá bar­áttu fyrir friði, jöfn­uði og rétt­læti. Við krefj­umst þess að allar konur njóti frelsis og mann­rétt­inda án mis­mun­unar! Samstaða með Palest­ínu er kvenna­bar­átta því ástandið á Gaza er ekki síst hrylli­legt fyrir konur og börn. Konur á Gaza eru í hrika­legri neyð. Sem dæmi má nefna að 50.000 barns­haf­andi konur bíða þess að fæða börn við skelfi­legar aðstæður, konur með börn á brjósti búa við hungur og eiga erfitt með að fram­leiða mjólk, sem veldur barna­dauða. Á Íslandi hafa konur verið leið­andi í bar­áttu fyrir vopna­hléi á Gaza, rétt eins og konur hafa alltaf verið leið­andi í frið­ar­bar­átt­unni.“

Það er hún Drífa Snædal sem verður kynnir á fund­inum en erindi flytja Enas Dajani, Giti Chandra, Bergþóra Snæ­björns­dóttir og Amal Tamimi. Tón­list­ar­at­riði verða í höndum Stein­unnar Eld­flaugar og Silju Aðal­steins­dóttur.

Að við­burð­inum standa:

Menn­ingar- og frið­ar­sam­tökin MFÍK

Félagið Ísland Palest­ína

Stígamót

UN Women

Sós­íal­ískir femínistar

Jafn­rétt­is­skól­inn GRÓ GEST

Kvenna­sögu­safn Lands­bóka­safn Íslands

Kven­rétt­inda­fé­lag Íslands

Mann­rétt­inda­skrif­stofa Íslands

Feminísk fjár­mál

Samtökin 78

Samtök Hern­að­ar­and­stæð­inga

Félags­ráð­gjafa­fé­lag Íslands

Efling

Femínísk Fjármál

Iðju­þjálfa­fé­lag Íslands

Mann­rétt­inda­skrif­stofa Íslands

Samtök um Kvenna­at­hvarf

Hér er við­burð­ur­inn á Fb:

https://www.facebook.com/events/7131199153654190