Rætt um að loka fréttastofu Stöðvar 2 og breyta í Sýn – Hluthafar stressaðir og verð Sýnar fellur

Gríð­ar­leg ólga er á meðal stjórn­enda innan Sýnar vegna nið­ur­skurðar og stjórn­taka for­stjór­ans Herdísar Fjeld­sted. Miklar aðhalds­að­gerðir eru í gangi á sama tíma og félagið hefur fallið í verði um allt að 30 pró­sent á einu ári og 37 pró­sent í tíð Herdísar. Miðað við þann mæli­kvarða hafa stærstu hlut­haf­arnir tapað  millj­örðum króna.

Stærsti ein­staki eig­and­inn er Gavia Invest sem er að miklu leyti í eigu Reynis Grét­ars­son, fyrr­ver­andi eig­anda Creditinfo. Sá hópur fer með 18,23 pró­sent í félag­inu og hefur verið leið­andi í félag­inu. Reyni og félögum er kennt um þá klemmu sem félagið er komið í. Líf­eyr­is­sjóðir eiga á milli 30 og 40 pró­sent í Sýn.

Enginn arður

Staða félags­ins hefur mikil áhrif á eig­endur sem eru margir með vaxta­ber­andi skuldir en fá ekki arð út úr félag­inu. Sú skoðun er uppi á meðal ein­hverra þeirra að nauð­syn­legt sé að grípa til aðgerða til fá meiri verð­mæti út úr Sýn. Bent er á að upp­lausn­ar­virði félags­ins sé gríð­ar­legt og allt að þrefalt hærra en það verð sem end­ur­spegl­ast á mark­aði. Með því að selja út ein­ingar á borð við Stöð 2, Vísi, fjöl­sóttasta vef lands­ins, útvarps­stöð­ina Bylgjuna og tengdar útvarps­stöðvar megi snúa við dæm­inu, hlut­höfum í hag. Aðeins yrði haldið eftir fjar­skipta­hluta Vodafone.

Bylgjan verði Sýn

Aðrir vilja styrkja inn­viði félags­ins með því að breyta um nöfn á miðl­unum. Herdís for­stjóri er talin vera á þeirri skoðun. Vísir tæki þá upp nafn Sýnar einnig, Sýn.is. Þá verður Stöð 2 að Sýn, Stöð 2 Sport yrði Sýn Sport. Útvarps­stöðv­arnar yrðu Sýn 989, Sýn 957, Sýn 977 og svo fram­vegis Þannig yrði farin sama leið og Síminn hefur gert með því að kenna sjón­varps­stöð sína við Símann Þessi hug­mynd er af helstu and­stæð­ingum hennar talin vera algjör firra.

Fréttastofu lokað

Aðrir sparn­að­ar­liðir sem nefndir eru til að bjarga rekstr­inum eru þeir að hætta fréttum á Stöð 2 og leggja niður frétta­hluta sjón­varps. Þarna spar­ast með því að segja upp starfs­mönnum sjón­varps­ins. Á móti kemur að Vísir og frétta­stofan eru nátengd og lok­unin myndi veikja vef­inn. Hermt er að hvaða leið sem verði farin umun leiða til þess að frétta­stof­unni verði lokað og Stöð 2 breytt í að vera fyrst og fremst afþrey­ing­ar­sjón­varp.

Engin leið er að spá fyrir um það hvað stjórn Sýnar gerir til að snúa málum sér í hag. Stærstu hlut­haf­arnir eru sam­mála um að bregð­ast við ástand­inu með því að skipta fyr­ir­tæk­inu upp og selja ákveðnar ein­ingar út. Verðmæti Vísis og útvarps­stöðv­anna nemur rúmum 7 millj­örðum sam­kvæmt til­boði sem Síminn gerði á sínum tíma. Heim­ildir Mannlífs herma að stórra tíð­inda sé að vænta.

Lyk­il­menn hafa hætt störfum hjá Sýn und­an­farið vegna óánægju með fram­vind­una og starfs­hætti for­stjór­ans. Þá liggur í loft­inu að fleiri munu hætta á næst­unni. Þetta ástand mun vera á borði stjórn­ar­manna. Mannlíf ræddi við Evu Georgs­dóttur, fyrr­ver­andi sjón­varps­stjóra Stöðvar 2, sem hætti nýverið störfum. Hún vildi ekk­ert tjá sig um fram­an­greint eða sam­skiptin við for­stjór­ann sem og bar við trún­aði . „Ég er ennþá starfs­maður Sýnar,“ sagði hún og baðst undan svörum.

Ekki náð­ist í Herdísi for­stjóra sem svar­aði ekki sím­tölum Mannlífs.

Helstu eig­endur Sýnar: