Sonur Isaac Hayes segir föður sinn ekki hafa hætt sjálfviljugur í South Park

Isaac Hayes III, sonur tón­list­ar­manns­ins og leik­ar­ans Isaac Hayes, hefur stigið fram og varpað ljósi á ára­langar vanga­veltur um brott­hvarf föður hans úr hinum geysi­vin­sælu teikni­mynda­seríu South Park. Í færslu sem hann birti á sam­fé­lags­miðl­inum Facebook segir Hayes yngri að faðir hans hafi ekki sjálfur ákveðið að hætta sem rödd per­són­unnar Chef, heldur hafi það verið gert að und­ir­lagi ann­arra innan Vís­inda­kirkj­unnar.

„Faðir minn hætti ekki í South Park. Vís­inda­kirkjan gerði það,“ skrifar Hayes III. Hann segir að eftir að umdeildur þáttur þátt­ar­ins, “Trapped in the Closet“, fór í loftið árið 2005, þar sem meðal ann­ars var gert grín að Vís­inda­kirkj­unni og Tom Cruise, hafi faðir hans fengið heila­blóð­fall sem gerði hann ófæran um að tala eða taka ákvarð­anir á eigin spýtur.

„Hann var ekki í neinu ástandi til að segja neinu upp. Sann­leik­ur­inn er sá að ein­hver innan Vís­inda­kirkj­unnar tók þá ákvörðun og hætti í þátt­unum fyrir hann,“ segir Hayes III.

Isaac Hayes, sem lést árið 2008, hafði verið rödd per­són­unnar Chef frá upp­hafi þátt­anna árið 1997 og naut mik­illa vin­sælda hjá áhorf­endum. Samkvæmt Hayes III naut faðir hans þess mjög að vinna að þátt­unum.

South ParkChef með krökk­unum frá South Park

„Hann elskaði að vera rödd Chef. Hann elskaði per­són­una. Hann elskaði að tengj­ast aðdá­endum. Hann grín­að­ist við fólk sem kann­að­ist við rödd­ina hans og naut þess virki­lega að vera hluti af þátt­unum.“

Árið 2006 bár­ust fréttir þess efnis að Hayes hefði hætt í þátt­unum vegna þess að honum hafi fund­ist þeir „gera grín að trú­ar­brögðum ann­arra“, en sonur hans segir þá skýr­ingu vera til­bún­ing.

„Sagan um að hann hafi hætt vegna þess að hann móðg­að­ist yfir háðsá­deil­unni er ekki sönn. Það var yfir­varp sem aðrir bjuggu til. Faðir minn fékk aldrei að tala fyrir sjálfan sig, því heilsa hans svipti hann því tæki­færi.“

Hayes III segir það vera mik­il­vægt að leið­rétta þessa sögu nú, fyrir aðdá­endur föður hans og per­són­unnar Chef:

„Hann yfir­gaf South Park ekki af fúsum og frjálsum vilja. Hann var neyddur út – af veik­indum og af fólki sem hafði ekki hags­muni hans í huga. Þetta er sann­leik­ur­inn um hvað raun­veru­lega gerð­ist.“