Martin Short opnar sig um sjálfsvíg dóttur sinnar

Martin Short hefur í fyrsta sinn tjáð sig opin­ber­lega um and­lát dóttur sinnar Katherine Short, sem lést í febr­úar síð­ast­liðnum, 42 ára að aldri, eftir sjálfs­víg.

Í við­tali við CBS sagði hinn ást­sæli leik­ari að fjöl­skyldan hefði gengið í gegnum mikla sorg.

„Þetta hefur verið martröð fyrir fjöl­skyld­una,“ sagði hann í sam­tali við Tracy Smith í þætt­inum CBS Sunday Morning.

Martin sagði að dóttir hans hefði glímt lengi við alvar­leg geð­ræn veik­indi.

„Dóttir mín barð­ist lengi við mjög alvar­leg geð­ræn veik­indi,“ sagði hinn 76 ára gamli leik­ari. „Per­sónu­leika­röskun af jað­ar­gerð og fleira, og hún gerði sitt besta þar til hún gat ekki meira.“ Bætti hann við:

Hann tengdi einnig reynslu dóttur sinnar við and­lát eig­in­konu sinnar, Nancy Dolman, sem lést úr krabba­meini árið 2010 eftir þrjá­tíu ára hjóna­band þeirra.

„Síðustu orð Nan til mín voru: „Martin, leyfðu mér að fara“,“ sagði hann og bætti við um dóttur sína: „Og hún var bara að segja: „Pabbi, leyfðu mér að fara“.“

Bætti hann við:

„En skiln­ing­ur­inn á því að geð­sjúk­dómar og krabba­mein, eins og hjá eig­in­konu minni, eru hvort tveggja sjúk­dómar og stundum eru sjúk­dómar ban­vænir.“

Martin sagði að sorgin hefði verið gríð­ar­leg fyrir hann og syni hans, Oliver Short og Henry Short.

Only Murders in the Building-stjarnan rifj­aði upp að dag­inn sem dóttir hans lést hafi hann efast um til­gang lífs­ins.

„Ég var að fara inn í bíl­inn þennan dag og hugs­aði: „Ég er 75 ára. Af hverju er ég eig­in­lega að halda áfram? Hver er til­gang­ur­inn?“.“

En þegar hann kom heim til sonar síns í Newport Beach hafi barna­börn hans hjálpað honum að finna aftur til­gang.

„Þessir tveir afa­strákar mínir, fimm og fjög­urra ára, stukku á mig og sögðu: „Leikum risa!“ Og allt í einu hugs­aði ég: „Þess vegna. Þess vegna“.“

Sorg Martin Short og seigla hans verða meðal ann­ars til umfjöll­unar í vænt­an­legri Netflix-heim­ild­ar­mynd um líf hans og feril sem ber heitið Marty, Life is Short.

Í kynn­ing­ar­stiklu fyrir heim­ild­ar­mynd­ina segir Andrea Martin, leik­kona og gömul vin­kona hans, við mynda­vél­arnar um Martin: „Að vera pabbi er honum jafn eðl­is­lægt og að draga and­ann.“