Níu matvæli sem aldrei ætti að gefa köttum

Ýmis mat­væli sem fólk neytir dags­dag­lega geta verið skað­leg eða jafn­vel lífs­hættu­leg fyrir ketti. Sum þeirra geta valdið alvar­legri eitrun þótt aðeins lítið magn sé inn­byrt og því mik­il­vægt fyrir katta­eig­endur að gæta þess hvað fer í mat­ar­dall­inn.

Hér eru nokkur mat­væli sem ætti að halda frá köttum:

Áfengi
Áfengi getur haft mjög alvar­leg áhrif á ketti. Neysla áfengra drykkja eða mat­væla sem inni­halda áfengi getur meðal ann­ars valdið upp­köstum, nið­ur­gangi, skertri sam­hæf­ingu, önd­un­ar­erf­ið­leikum og skjálfta. Í alvar­leg­ustu til­fellum getur kött­ur­inn fallið í dá eða dáið.

Súkkulaði
Súkkulaði inni­heldur teó­bró­mín og koffín sem eru eitruð fyrir ketti. Hversu alvar­leg eitr­unin verður ræðst meðal ann­ars af magni og teg­und súkkulað­is­ins og stærð katt­ar­ins. Dökkt súkkulaði og bök­un­arsúkkulaði eru sér­stak­lega hættu­leg.

Einkenni geta verið óró­leiki, ofvirkni, skjálfti, upp­köst, nið­ur­gangur, auk­inn þorsti og þvag­lát, hraður hjart­sláttur og flog.

Kaffi, te og aðrar koff­ín­vörur
Koffín getur í nægi­lega stórum skömmtum verið ban­vænt fyrir ketti. Einkenni koff­ín­eitr­unar geta meðal ann­ars verið óró­leiki, hröð öndun, óeðli­legur hjart­sláttur, hækk­aður lík­ams­hiti, vöðva­skjálfti, flog og yfir­lið.

Soðin bein
Soðin bein geta brotnað í hvassar flísar þegar kött­ur­inn tyggur þau. Þær geta valdið stíflu eða sárum í melt­ing­ar­vegi og því ætti ekki að gefa köttum slík bein.

Vínber, rús­ínur, kúrennur og súlt­an­ínur
Ekki er að fullu vitað hvaða efni í vín­berjum og rús­ínum veldur eitrun, en jafn­vel lítið magn getur verið hættu­legt og tengst alvar­legum nýrnaskaða.

Mjólk og mjólk­ur­vörur
Þótt kettir séu gjarnan sýndir drekk­andi mjólk búa margir full­orðnir kettir ekki yfir þeim hæfi­leika að geta melt laktósa. Mjólk og aðrar mjólk­ur­vörur geta því valdið nið­ur­gangi og öðrum melt­ing­aró­þæg­indum.

Laukur, hvít­laukur, blað­laukur og gras­laukur
Þessar mat­jurtir inni­halda efni sem geta skaðað rauð blóð­korn katta og leitt til blóð­leysis auk ert­ingar í melt­ing­ar­vegi. Einkenni alvar­legrar eitr­unar geta meðal ann­ars verið fölir gómar, hraður hjart­sláttur, aukin önd­un­ar­tíðni og yfir­lið.

Hvít­laukur er tal­inn sér­stak­lega hættu­legur og getur verið tölu­vert öfl­ugri en laukur hvað eitr­un­ar­á­hrif varðar.

Salt
Mikið magn salts getur valdið óhóf­legum þorsta og þvag­látum og í alvar­legum til­fellum eitrun. Einkenni geta meðal ann­ars verið slapp­leiki, skjálfti, hækk­aður lík­ams­hiti og flog.

Tómatar
Óþroskaðir tómatar og grænir hlutar tómat­plönt­unnar geta inni­haldið efni sem eru skað­leg köttum. Einkenni eitr­unar geta verið mikil munn­vatns­fram­leiðsla, lyst­ar­leysi, slapp­leiki, víkkuð sjá­öldur og hægur hjart­sláttur. Full­þrosk­aður tóma­t­á­vöxtur er hins vegar almennt ekki tal­inn eitr­aður.

Katta­eig­endur ættu að hafa í huga að áhrif ein­stakra mat­væla ráð­ast meðal ann­ars af magni sem dýrið inn­byrðir, þyngd þess og öðrum þáttum. Ef grunur leikur á að köttur hafi inn­byrt eitrað eða hættu­legt mat­væli er ráð­legt að hafa taf­ar­laust sam­band við dýra­lækni.