Guðrún Alda Harðardóttir, doktor í leikskólafræðum hvetur ríkisstjórnina til að bregðast við niðurstöðum þjóðaratkvæðagreiðslunnar um Evrópusambandið með því að herða kröfur um notkun íslensku krónunnar í viðskiptalífinu.
Í opinberri færslu í kjölfar kosninganna, þar sem niðurstaðan varð sú að halda ekki áfram aðildarviðræðum við ESB, óskaði Guðrún sigurvegurum gærdagsins til hamingju en skoraði jafnframt á stjórnvöld að fylgja niðurstöðunni eftir með afgerandi hætti.
„Lögfestum að opinbert uppgjör íslenskra fyrirtækja sé í krónum, eða að minnsta kosti að þau skili jafnframt uppgjöri og lykiltölum í krónum,“ skrifar Guðrún.
Hún bendir á að samræmi verði að vera á milli stefnu ríkisins og raunverulegra umsvifa stærstu fyrirtækja landsins, sem mörg hver gera upp í erlendri gjaldmiðlum í dag.
„Ef krónan er svona mikilvæg fyrir okkur, þá ættu stærstu íslensku fyrirtækin líka að þurfa að nota hana,“ segir Guðrún jafnframt í færslu sinni.
Athugasemdir