Glæsileg og vel skipulögð þriggja herbergja endaíbúð á jarðhæð við Hulduhlíð 9 í Mosfellsbæ hefur verið sett á sölu.

Íbúðin er 84,1 fermetri að stærð, með sérinngangi en það er Hreiðar Ingi Eðvarðsson, aðstoðarmaður félagsmálaráðherrans Ragnars Þórs Ingólfssonar, sem er að selja hana.

Eignin skiptist í forstofu, gang, stofu, eldhús, tvö svefnherbergi, baðherbergi og þvottahús sem jafnframt nýtist sem geymsla. Úr stofu er gengið út á timburverönd sem snýr í suður og býður upp á skjólgott og sólríkt útisvæði.

Sérmerkt bílastæði fylgir íbúðinni og er staðsett beint framan við húsið. Þá er einnig sameiginleg hjóla- og vagnageymsla í húsinu.

Húsið var byggt árið 1999 og hefur íbúðin notið vinsælda vegna góðrar staðsetningar. Í næsta nágrenni eru skólar, leikskólar, sundlaug, líkamsræktaraðstaða, golfvöllur og fjölbreyttar gönguleiðir sem gera svæðið eftirsóknarvert fyrir fjölskyldur jafnt sem aðra kaupendur.

Ásett verð eignarinnar er 74.500.000 krónur.