Björn Leifsson, einn eiganda World Class, heldur áfram að græða haug af peningum en Laugar ehf., sem rekur World Class hagnaðist um 965 milljónir króna á síðasta ári.

Það er talsvert meira en þær 665 milljónir sem félagið hagnaðist um árið 2023. Eignir félagsins námu 3,4 milljörðum króna og var eigið fé um tvo milljarða. Björn á 36,6% í félaginu og greiddi það út hálfan milljarð í arð í fyrra.

Viðskiptablaðið greindi fyrst frá.

Síðasta ár var nokkuð gott hjá Birni en samkvæmt Hátekjulista Heimildarinnar var hann með 794.609.910 krónur í heildartekjur í fyrra og var 24. sæti allra Íslendinga í tekjum.