Einn karlmaður, átta konur og ein stofnun fengu úthlutað þetta árið úr Jafnréttissjóði Íslands en Þorbjörg Sigríður Gunnlaugsdóttir dómsmálaráðherra úthlutaði styrkjum úr sjóðnum við hátíðlega athöfn í Hannesarholti í vikunni.
Ekkert liggur fyrir um hlutfall kynja sem sótti um styrk eða gæði og fjölda umsókna sem var hafnað.
Jafnréttissjóður Íslands var stofnaður 19. júní 2015 í tilefni af 100 ára kosningarréttarafmæli íslenskra kvenna og er tilgangur hans er að stuðla að jafnrétti kynjanna með því að styrkja verkefni og rannsóknir á sviði jafnréttis.
Fjögur af þessum verkefnum hlutu hvert um sig um sjö milljón króna styrki sem eru hæstu styrkirnir að þessu sinni en í tilkynningu stjórnvalda um úthlutunina er ekki greint frá hvaða verkefni fengu hæstu styrkina. Jafnréttissjóður Íslands útdeildir 60 milljónum króna annað hvert ár.
Verkefnin sem hljóta styrk í ár eru:
- Berglind Hólm Ragnarsdóttir fær styrk fyrir verkefnið: Verkakonur, vellíðan og velferðarkerfið.
- Dalrún Kaldakvísl Eygerðardóttir fær styrk fyrir verkefnið: Heimildamyndin Huldufreyjur.
- Drífa Jónasdóttir fær styrk fyrir verkefnið: Birtingarmynd ofbeldis á Bráðamóttöku Landspítala.
- Gústav Adolf Bergmann Sigurbjörnsson fær styrk fyrir verkefnið: Hvað á baráttan að heita? Woke, anti-woke og réttlætisbarátta á Íslandi.
- Háskólinn í Reykjavík fær styrk fyrir verkefnið: Er kynjamunur í frásögnum af kynferðisofbeldi, félagslegum viðbrögðum og áhrifum á geðheilsu?
- Karítas Hrundar Pálsdóttir fær styrk fyrir verkefnið: Ritlist til inngildingar.
- Katrín Pálmad. Þorgerðardóttir fær styrk fyrir verkefnið: Siðfræði nándar: ungt fólk, samþykki og mörk í kjölfar MeToo.
- Katrín Ólafsdóttir fær styrk fyrir verkefnið: Drengjaorðræða og kynjuð samskipti á vettvangi skóla.
- Nanna Kristjánsdóttir fær styrk fyrir verkefnið: Stelpur diffra.
- Sólveig B Sveinbjörnsdóttir fær styrk fyrir verkefnið: Reynsla og aðstæður innflytjenda og áhrif þeirra á barneignir og fjölskyldulíf á Íslandi.
